ମନୋରଞ୍ଜନ
23 Nov 2022
By The Sakala
ହ୍ବାଟ୍ସଆପ୍ ଆଣିବାକୁ ଯାଉଛି ନୂଆ ଫିଚର ‘ଡିଏନ୍ଡି ମୋଡ୍’
ନିକଟରେ ହ୍ବାଟ୍ସଆପ୍ ବ୍ୟବହାରକାରୀଙ୍କ ପାଇଁ ‘ଡୁ ନଟ୍ ଡିଷ୍ଟର୍ବ’ (ଡିଏନ୍ଡି) ମୋଡ୍ ଲଞ୍ଚ୍ କରିଛି। ତେେବ ଏହା ଆଣ୍ଡ୍ରଏଡ୍ ବେଟା ବ୍ୟବହାରକାରୀଙ୍କ ପାଇଁ ଉଦ୍ଦିଷ୍ଟ। ଏହି ନୂଆ ଫିଚର୍ ‘ଡୁ ନଟ୍ ଡିଷ୍ଟର୍ବ’ ସହ ଜଡ଼ିତ। ଅନେକ ଲୋକ ଫୋନ୍କୁ ଡିଏନ୍ଡି ମୋଡ୍ରେ ରଖନ୍ତି। ଫଳରେ ହ୍ବାଟ୍ସଆପ୍ କଲ୍ ଆସିଲେ ଜାଣି ହୁଏ ନାହିଁ। ଏବେ ହ୍ବାଟ୍ସଆପ୍ର ଏହି ନୂଆ ଫିଚର୍ ଏ ସମ୍ପର୍କରେ ସୂଚନା ପ୍ରଦାନ କରିବ। ଅର୍ଥାତ୍ ଫୋନ୍ ଡୁ ନଟ୍ ଡିଷ୍ଟର୍ବ ମୋଡ୍ରେ ଥିବା ବେଳେ ଏହା ମିସ୍ କଲ୍ ସମ୍ପର୍କରେ ଜଣାଇବ। ଏହାର ସ୍କ୍ରିନ୍ ସଟ୍ ମଧ୍ୟ ଜାରି କରାଯାଇଛି। ଯଦି ହ୍ବାଟସ୍ଆପ୍ରେ ଡିଏନ୍ଡି ମୋଡ୍ ଅନ୍ ଥିବ, ତେବେ କଲ୍ ଆସିଲେ ଚାଟ୍ରେ ସାଇଲେନ୍ସଡ୍ ବାଇ ଡୁ ନଟ୍ ଡିଷ୍ଟର୍ବ ଲେବଲ ଦେଖାଇବ। ଏହା ପରେ ସେହି ଲେବଲ୍କୁ ଯାଇ ମିସ୍ ହୋଇଥିବା କଲ୍ ସମ୍ପର୍କରେ ଜାଣିପାରିବେ। ଏହାକୁ ଫୋନ୍ର ସାଧାରଣ ସେଟିଂକୁ ଯାଇ ବ୍ୟବହାରକାରୀ ସେଟ୍ କରିପାରିବେ।
https://www.thesakala.in/technology/whatsapp-to-bring-new-feature-dnd-mode/article-16801
About The Author
