ରାହୁଲ କହିଲେ ‘ନମସ୍ତେ ମୋ ଗଦ୍ଦାର ବନ୍ଧୁ...’, ବିଟ୍ଟୁ କହିଲେ ‘ଦେଶର ଶତ୍ରୁ’; ସଂସଦ ପରିସରରେ ହାଇଡ୍ରାମା

ବୁଧବାର ସଂସଦ ପରିସରରେ ରାଜନୈତିକ ଉଷ୍ମତା ଦେଖିବାକୁ ମିଳିଛି। ଲୋକସଭାର ବିରୋଧୀ ଦଳ ନେତା ରାହୁଲ ଗାନ୍ଧୀ ଏବଂ କେନ୍ଦ୍ରମନ୍ତ୍ରୀ ରଭନୀତ୍ ସିଂ ବିଟ୍ଟୁଙ୍କ ମଧ୍ୟରେ ଏକ ଜୋରଦାର ବାକ୍‌ଯୁଦ୍ଧ ହୋଇଛି। ଏହି ସମୟରେ ରାହୁଲ ଗାନ୍ଧୀ ବିଟ୍ଟୁଙ୍କୁ ‘ଗଦ୍ଦାର’ ବା ବିଶ୍ୱାସଘାତକ ବୋଲି ସମ୍ବୋଧନ କରିଥିବାବେଳେ, ଏହାର ଜବାବରେ କେନ୍ଦ୍ରମନ୍ତ୍ରୀ ତାଙ୍କୁ ‘ଦେଶର ଶତ୍ରୁ’ ବୋଲି କହିଛନ୍ତି।

#WATCH | Delhi: As Union MoS Ravneet Singh Bittu passes by the protesting Congress MPs at Makar Dwar, Lok Sabha LoP Rahul Gandhi says, "Here is a traitor walking right by. Look at the face..."

LoP Rahul Gandhi offered to shake his hands, saying, "Hello brother, my traitor… pic.twitter.com/5wMgjM8KAW

ଆହୁରି ପଢ଼ନ୍ତୁ: ଲୋକସଭାରେ ପୁଣି ହଟ୍ଟଗୋଳ: ରାହୁଲ ଗାନ୍ଧୀଙ୍କ ଚୀନ ପ୍ରସଙ୍ଗ ଓ ନରୱଣେଙ୍କ ବହିକୁ ନେଇ ଗୃହ ମୁଲତବୀ

— ANI (@ANI) February 4, 2026

‘ଗଦ୍ଦାର’ ବନାମ ‘ଦେଶର ଶତ୍ରୁ’

ଘଟଣାଟି ସଂସଦ ଭବନ ପରିସରରେ ଘଟିଥିଲା। ସୂଚନା ଅନୁଯାୟୀ, ରାହୁଲ ଗାନ୍ଧୀ ହାତ ମିଳାଇବା ପାଇଁ ହାତ ବଢ଼ାଇ କହିଥିଲେ, "ନମସ୍ତେ ଭାଇ, ମୋର ଗଦ୍ଦାର ବନ୍ଧୁ। ଚିନ୍ତା କର ନାହିଁ, ତୁମେ ପୁଣି ଫେରିଆସିବ (କଂଗ୍ରେସକୁ)।" ତେବେ ରଭନୀତ୍ ବିଟ୍ଟୁ ହାତ ମିଳାଇବାକୁ ମନା କରିବା ସହ କଡ଼ା ପ୍ରତିକ୍ରିୟା ପ୍ରକାଶ କରିଥିଲେ। ସେ ରାହୁଲଙ୍କୁ ଜବାବ ଦେଇ କହିଥିଲେ ଯେ, "ଆପଣ ଦେଶର ଶତ୍ରୁ ଅଟନ୍ତି।" ଉଲ୍ଲେଖଯୋଗ୍ୟ ଯେ, ରଭନୀତ୍ ବିଟ୍ଟୁ ପୂର୍ବରୁ କଂଗ୍ରେସରେ ଥିଲେ ଏବଂ ୨୦୨୪ ନିର୍ବାଚନ ପୂର୍ବରୁ ବିଜେପିରେ ଯୋଗ ଦେଇଥିଲେ।

ସଂସଦ ପରିସରରେ ବିରୋଧୀଙ୍କ ହଙ୍ଗାମା

ଅନ୍ୟପକ୍ଷରେ, ଭାରତ-ଆମେରିକା ବାଣିଜ୍ୟ ଚୁକ୍ତିକୁ ନେଇ କଂଗ୍ରେସ ସାଂସଦମାନେ ସଂସଦର ପାହାଚରେ ବିକ୍ଷୋଭ ପ୍ରଦର୍ଶନ କରିଥିଲେ। ସାଂସଦମାନେ ହାତରେ ‘ପିଏମ କମ୍ପ୍ରୋମାଇଜଡ୍’ (PM Compromised) ଲେଖାଥିବା ପୋଷ୍ଟର ଧରି ସରକାରଙ୍କ ବିରୋଧରେ ନାରାବାଜି କରିଥିଲେ। ମଙ୍ଗଳବାର ଦିନ ୮ ଜଣ ବିରୋଧୀ ସାଂସଦଙ୍କୁ ବଜେଟ୍ ଅଧିବେଶନରୁ ନିଲମ୍ବିତ କରାଯାଇଥିଲା, ଯେଉଁଥିରେ ଗୁରଜିତ୍ ସିଂ ଔଜଲା, ହିବି ଇଡେନ୍ ଏବଂ ମଣିକମ ଟାଗୋରଙ୍କ ଭଳି ନେତା ସାମିଲ ଅଛନ୍ତି।

ଜେନେରାଲ ନରୱଣେଙ୍କ ବହି ଉପରେ ରାହୁଲଙ୍କ ବୟାନ

ପୂର୍ବତନ ସେନାମୁଖ୍ୟ ଏମ.ଏମ. ନରୱଣେଙ୍କ ଏକ ଅପ୍ରକାଶିତ ବହିକୁ ନେଇ ମଧ୍ୟ ରାହୁଲ ଗାନ୍ଧୀ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି। ରାହୁଲ ଅଭିଯୋଗ କରିଛନ୍ତି ଯେ, ୨୦୨୦ ଭାରତ-ଚୀନ୍ ସଂଘର୍ଷ ସମୟରେ ଯେତେବେଳେ ଚୀନ୍ ସେନା କୈଳାସ ରେଞ୍ଜ ପର୍ଯ୍ୟନ୍ତ ପହଞ୍ଚି ଯାଇଥିଲା, ସେତେବେଳେ ସରକାର ସେନାକୁ କୌଣସି ସ୍ପଷ୍ଟ ନିର୍ଦ୍ଦେଶ ଦେଇନଥିଲେ।

ରାହୁଲ ଦାବି କରିଛନ୍ତି ଯେ, ଜେନେରାଲ ନରୱଣେ ସେତେବେଳେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କୁ ଯୋଗାଯୋଗ କରିଥିଲେ ମଧ୍ୟ କୌଣସି ଉତ୍ତର ପାଇନଥିଲେ। ରାଜନାଥ କହିଥିଲେ ଯେ ସେ ‘ଉପର’ (Top) ମହଲରୁ ପଚାରି ଜଣାଇବେ। ଶେଷରେ ସେନାମୁଖ୍ୟଙ୍କୁ କୁହାଯାଇଥିଲା ଯେ, "ଯାହା ଉଚିତ୍ ମନେ କରୁଛ, ତାହା କର"। ରାହୁଲଙ୍କ କହିବା ଅନୁଯାୟୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜ କର୍ତ୍ତବ୍ୟ ପାଳନ କରିନଥିଲେ ଏବଂ ସେନାମୁଖ୍ୟଙ୍କୁ ଏକା ଛାଡ଼ି ଦିଆଯାଇଥିଲା।