ମନୋରଞ୍ଜନ
04 May 2024
By The Sakala
ସିସୋଦିଆଙ୍କ ଜାମିନ ଆବେଦନ, ଇଡି-ସିବିଆଇକୁ ହାଇକୋର୍ଟ ନୋଟିସ
ନୂଆଦିଲ୍ଲ: ଆମ ଆଦମୀ ପାର୍ଟି (ଆପ୍) ନେତା ତଥା ପୂର୍ବତନ ଉପ-ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ଜାମିନ ଆବେଦନ ଉପରେ ଦିଲ୍ଲୀ ହାଇକୋର୍ଟ ଶୁକ୍ରବାର ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଏବଂ ସିବିଆଇକୁ ନୋଟିସ ଜାରି କରିଛନ୍ତି। ୫ ଦିନ ମଧ୍ୟରେ ଜବାବ ଦେବାକୁ କହିଛନ୍ତି। ଏହା ସହିତ ରୋଗୀଣା ପତ୍ନୀଙ୍କୁ ଭେଟିବା ପାଇଁ କୋର୍ଟ ସିସୋଦିଆଙ୍କୁ ଅନୁମତି ଦେଇଛନ୍ତି। ୮ ତାରିଖରେ ଏହି ମାମଲାର ପରବର୍ତ୍ତୀ ଶୁଣାଣି ହେବ। ଟ୍ରାଏଲ କୋର୍ଟରେ ଜାମିନ ଆବେଦନ ଖାରଜ ହେବା ପରେ ସେ ଗତ ୩୦ ତାରିଖରେ କାର୍ଯ୍ୟନିର୍ବାହୀ ମୁଖ୍ୟ ବିଚାରପତି ମନମୋହନ ଏବଂ ଜଷ୍ଟିସ ମନମିତ ପ୍ରୀତମ ସିଂହଙ୍କ ଆରୋରାଙ୍କ ଖଣ୍ଡପୀଠଙ୍କ ନିକଟରେ ୨ଟି ଆବେଦନ ଦାଏର କରିଥିେଲ। ଇଡିର ମନି ଲଣ୍ଡରିଂ ଏବଂ ସିବିଆଇର ଦୁର୍ନୀତି ମାମଲା ଉପରେ ସେ ଏହି ଆବେଦନ ଦାଏର କରିଥିଲେ। ଏହା ପୂର୍ବରୁ ନିମ୍ନ କୋର୍ଟଙ୍କଠାରୁ ନେଇ ସୁପ୍ରିମକୋର୍ଟ ପର୍ଯ୍ୟନ୍ତ ସମସ୍ତେ ସିସୋଦିଆଙ୍କ ଜାମିନ ଆବେଦନକୁ ଖାରଜ କରିଦେଇଥିଲେ।
https://www.thesakala.in/national-international/sisodias-bail-plea-hc-notice-to-ed-cbi/article-31890
About The Author
