ମନୋରଞ୍ଜନ
ଓଡ଼ିଶା
ଅଗଷ୍ଟ ୩ ଯାଏଁ ସୁପ୍ରିମକୋର୍ଟରେ ପ୍ରତିଦିନ ଚାଲିବ ଲୋକ ଅଦାଲତ
ନୂଆଦିଲ୍ଲୀ: ସୁପ୍ରିମ୍ କୋର୍ଟ ଆଜି ନିଜର ପ୍ରଥମ ସ୍ବତନ୍ତ୍ର ଲୋକ ଅଦାଲତର ଶୁଭାରମ୍ଭ କରିଛନ୍ତି। ଏହି ଲୋକ ଅଦାଲତ ଜରିଆରେ ସୁପ୍ରିମକୋର୍ଟରେ ବିଚାରାଧୀନ ଥିବା ସମସ୍ତ ମାମଲାର ଶୁଣାଣି ଖୁବ୍ ଶୀଘ୍ର କରିବାକୁ ଚେଷ୍ଟା କରାଯାଉଛି। ଆଜିଠାରୁ ଅଗଷ୍ଟ ୩ ତାରିଖ ପର୍ଯ୍ୟନ୍ତ ପ୍ରତିଦିନ ଲୋକ ଅଦାଲତ ଅନୁଷ୍ଠିତ ହେବ। ପ୍ରଧାନ ବିଚାରପତି ଜଷ୍ଟିସ ଡିୱାଇ ଚନ୍ଦ୍ରଚୂଡ଼ ଏ ନେଇ ନିଜର ଅନୁଭୂତି ବାଣ୍ଟିଛନ୍ତି । ଆଜି ପ୍ରଧାନ ବିଚାରପତି ଚନ୍ଦ୍ରଚୂଡ଼ ଏ ନେଇ ସୂଚନା ଦେଇ କହିଛନ୍ତି ଯେ, ଲୋକ ଅଦାଲତକୁ ବାର, ସୁପ୍ରିମ୍ କୋର୍ଟ ବିଚାରପତିଙ୍କ ସମର୍ଥନ ରହିଛି ଏବଂ ହାଇକୋର୍ଟ, ରାଜ୍ୟ ସରକାର ଏବଂ ବୀମା କମ୍ପାନୀମାନେ ବ୍ୟାପକ ଭିତ୍ତିଭୂମି କାର୍ଯ୍ୟକରିଛନ୍ତି। ଏହାର ଉଦ୍ଦେଶ୍ୟ ହେଉଛି ଛୋଟ ଛୋଟ ମାମଲାର ସମାଧାନ କରିବା । ସୁପ୍ରିମ୍ କୋର୍ଟରେ କେତେ ଛୋଟ ଛୋଟ ମାମଲା ଆସେ ତାହା ଲୋକେ ବୁଝିପାରୁନାହାନ୍ତି, ତେଣୁ ଆମେ ସେବା ବିବାଦ, ଶ୍ରମ ବିବାଦ, ଜମି ଅଧିଗ୍ରହଣ ମାମଲା, ମୋଟର ଦୁର୍ଘଟଣା ଦାବି ମାମଲା, ଚେକ୍ ଅସମ୍ମାନ ମାମଲା ଭଳି ମାମଲା ଉଠାଇଛୁ।
About The Author
