ମନୋରଞ୍ଜନ
ଓଡ଼ିଶା
ୟୁକ୍ରେନ ସପିଂ ମଲ୍ରେ ରୁଷ୍ର କ୍ଷେପଣାସ୍ତ୍ର ମାଡ଼; ୧୬ ମୃତ
କିଭ୍: ୟୁକ୍ରେନର ଏକ ଜନଗହଳିପୂର୍ଣ୍ଣ ମଲ୍ ଉପରେ ରୁଷ କ୍ଷେପଣାସ୍ତ୍ର ଆକ୍ରମଣ କରିଛି। ଜର୍ମାନୀରେ ଚାଲିଥିବା ଜି-୭ ସମ୍ମିଳନୀରେ ୟୁକ୍ରେନ ପ୍ରସଙ୍ଗକୁ ନେଇ ଚର୍ଚ୍ଚା ଚାଲିଥିବାବେଳେ ରୁଷ୍ ଲୁହାସ୍କଂର ଲିସିଚାଂସ୍କ ସହରରେ ଜୋରଦାର ଆକ୍ରମଣ କରିଛି। ଉଭୟ ସ୍ଥଳପଥ ଏବଂ ଆକାଶ ମାର୍ଗରୁ ଆକ୍ରମଣ କରାଯାଉଛି। କ୍ରେମନଚୁକ୍ ସହରର ଏକ ସପିଂ ମଲ୍ରେ ରୁଷ୍ କ୍ଷେପଣାସ୍ତ୍ର ମାଡ଼ କରିଛି । ଏହି ଘଟଣାରେ ୧୬ରୁ ଊର୍ଦ୍ଧ୍ବ ଲୋକ ପ୍ରାଣ ହରାଇଛନ୍ତି। ୪୦ ଜଣ ମଧ୍ୟ ଆହତ ହୋଇଛନ୍ତି। ଆକ୍ରମଣ ସମୟରେ ମଲ୍ରେ ହଜାରେରୁ ଊର୍ଦ୍ଧ୍ବ ଲୋକ ଥିଲେ। ପରେ ମଲ୍ରେ ନିଆଁ ଲାଗି ଯାଇ ଚାରିଆଡେ ଧୂଆଁ ବ୍ୟାପି ଯାଇଥିଲା ବୋଲି ୟୁକ୍ରେନ ରାଷ୍ଟ୍ରପତି ଭୋଲଡାମିର ଜେଲେଁସ୍କି କହିଛନ୍ତି।
ୟୁକ୍ରେନ ବାୟୁସେନା କହିଛି ଯେ କ୍ରେମେଞ୍ଚୁକ୍ ସହରର ଏକ ସପିଂ ସେଣ୍ଟରକୁ ରୁଷ୍ କ୍ଷେପଣାସ୍ତ୍ର ମାଡ କରିଛି। ଏଠାରେ ମଲ୍ କୁ କେଏଚ୍-୨୨ ଆଣ୍ଟି ଶିପ୍ କ୍ଷେପଣାସ୍ତ୍ର ସହିତ ଟାର୍ଗେଟ କରାଯାଇଛି | ଏହି ଘଟଣାରେ ବ୍ରିଟିଶ ପ୍ରଧାନମନ୍ତ୍ରୀ ବୋରିସ୍ ଜନସନଙ୍କ ପ୍ରତିକ୍ରିୟା ଆସିଛି। ସେ କହିଛନ୍ତି ଯେ ୟୁକ୍ରେନ ମଲ ଉପରେ ହୋଇଥିବା ଆକ୍ରମଣ ପୁଟିନଙ୍କ “ବର୍ବରତା ଓ କ୍ରୂରତା”କୁ ଦର୍ଶାଉଛି।
ଅନ୍ୟପକ୍ଷରେ ରୁଷର ପ୍ରତିରକ୍ଷା ମନ୍ତ୍ରଣାଳୟ ତରଫରୁ କୁହାଯାଇଛି ଯେ ମସ୍କୋ କିଭ୍ ର ଏକ ରକେଟ୍ ନିର୍ମାଣ କାରଖାନା ଉପରେ କ୍ଷେପଣାସ୍ତ୍ର ଆକ୍ରମଣ କରିଛି। ଏକାଧିକ ଲଞ୍ଚ ରକେଟ୍ ସିଷ୍ଟମ ପାଇଁ ଗୋରା ବାରୁଦ ଉତ୍ପାଦନ ପାଇଁ ଏହି କାରଖାନା ବ୍ୟବହାର କରାଯାଉଥିଲା |
About The Author
