ଲକ୍ଷ୍ନୌରେ ସେନା ଅଧିକାରୀଙ୍କ ପତ୍ନୀଙ୍କ ସହ ଦୁର୍ବ୍ୟବହାର; ଛୁଟିରେ ଆସି ଦଲାଲକୁ ନିର୍ଧୁମ ଛେଚିଲେ ସ୍ୱାମୀ

ଲକ୍ଷ୍ନୌ: ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରୁ ମହିଳା ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି କରୁଥିବା ଏକ ଘଟଣା ସାମ୍ନାକୁ ଆସିଛି। ଲକ୍ଷ୍ନୌର ଆଇଆଇଏମ ରୋଡ ନିକଟ ଏଲଡିକୋ ସିଟି ଅଞ୍ଚଳରେ ଜଣେ ସେନା ଅଧିକାରୀଙ୍କ ପତ୍ନୀଙ୍କ ସହ ଅସଦାଚରଣ କରାଯାଇଥିବା ଅଭିଯୋଗ ହୋଇଛି। ଅଭିଯୁକ୍ତ ଜଣକ ସ୍ଥାନୀୟ ଅଞ୍ଚଳର ଜଣେ ପ୍ରପର୍ଟି ବ୍ରୋକର ବୋଲି ଜଣାପଡିଛି। ତେବେ ଘଟଣା ପରେ ସେନା ଅଧିକାରୀ ଜଣକ ନିଜ ପତ୍ନୀଙ୍କ ସହ ହୋଇଥିବା ଦୁର୍ବ୍ୟବହାରର କଡ଼ା ଜବାବ ଦେଇଛନ୍ତି।

इस मोलेस्टर का नाम राज शुक्ला हैं और ये प्रॉपर्टी ब्रोकर का काम करता हैं ।

लखनऊ में एक आर्मी ऑफिसर की पत्नी को फ्लैट दिखाने ले गया फिर फ्लैट में महिला को अकेला पा कर इसने महिला के साथ छेड़खानी की और जब महिला ने इसकी वीडियो बनाई और छेड़खानी का विरोध किया तो ये हाथ जोड़ कर माफी… pic.twitter.com/Ven5DSmPuC

ଆହୁରି ପଢ଼ନ୍ତୁ: ଗୃହକୁ ନ ଆସିବା ପାଇଁ ପ୍ରଧାନମନ୍ତ୍ରୀ ମୋଦୀଙ୍କୁ ଅନୁରୋଧ କରିଥିଲି: ବଡ଼ ଖୁଲାସା କଲେ ବାଚସ୍ପତି ଓମ୍ ବିର୍ଲା

— Abhishek Rao (@love_donor_abhi) February 8, 2026

ଘର ଦେଖାଇବା ବାହାନାରେ ଅସଦାଚରଣ

ମିଳିଥିବା ସୂଚନା ଅନୁଯାୟୀ, ଅଭିଯୁକ୍ତର ନାମ ରାଜ ଶୁକ୍ଲା ଏବଂ ସେ ଜଣେ ଜମି ଦଲାଲ ବା ବ୍ରୋକର ଭାବରେ କାମ କରନ୍ତି। ପୀଡ଼ିତା ମହିଳା ଜଣକ ଘର ଭଡ଼ା ନେବା ପାଇଁ ଉକ୍ତ ବ୍ରୋକରଙ୍କ ସହ ଯୋଗାଯୋଗ କରିଥିଲେ। ତେବେ ଇଣ୍ଡିଗୋ ସିଟି ଅଞ୍ଚଳରେ ଏକ ଫ୍ଲାଟ ଦେଖାଇବା ବାହାନାରେ ଅଭିଯୁକ୍ତ ଜଣକ ମହିଳାଙ୍କ ସହ ଅସଦାଚରଣ କରିଥିବା ଅଭିଯୋଗ ହୋଇଛି। ଫ୍ଲାଟ ଦେଖିବା ସମୟରେ ଅଭିଯୁକ୍ତ ଜଣକ ସୀମା ପାର କରି ମହିଳାଙ୍କ ସହ ଜୋରଜବରଦସ୍ତି ଶାରୀରିକ ସମ୍ପର୍କ ସ୍ଥାପନ କରିବାକୁ ଚେଷ୍ଟା କରିଥିଲେ।

ଛୁଟିରେ ଆସି ଦଲାଲକୁ ପିଟିଲେ ସ୍ୱାମୀ

ଘଟଣା ସମୟରେ ମହିଳାଙ୍କ ସ୍ୱାମୀ ଭାରତୀୟ ସେନାରେ ଡ୍ୟୁଟିରେ ଥିଲେ। ପତ୍ନୀଙ୍କ ସହ ଘଟିଥିବା ଏହି ଘୃଣ୍ୟ ଘଟଣା ବିଷୟରେ ଜାଣିବା ପରେ ସେ ଅତ୍ୟନ୍ତ ବିଚଳିତ ହୋଇପଡିଥିଲେ। ନିଜର ବୃତ୍ତିଗତ ଦାୟିତ୍ୱ ସାରି ସେ ପ୍ରାୟ ସାତ ଦିନ ପରେ ଲକ୍ଷ୍ନୌ ଫେରିଥିଲେ। ଘରକୁ ଫେରିବା ପରେ ସେନା ଅଧିକାରୀ ଜଣକ ଅଭିଯୁକ୍ତ ବ୍ରୋକରକୁ ଧରି ନିସ୍ତୁକ ମାଡ଼ ମାରିଥିବା ଖବର ସାମ୍ନାକୁ ଆସିଛି।

ଭାଇରାଲ ହେଉଛି ଭିଡିଓ

ଏହି ଘଟଣା ସମ୍ପର୍କିତ ଏକ ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେଉଛି। ଭିଡିଓରେ ମହିଳା ଜଣକ ଅଭିଯୁକ୍ତ ଉପରେ ଚିତ୍କାର କରୁଥିବା ଏବଂ ତାଙ୍କୁ ଛୁଇଁବାକୁ କିପରି ସାହସ କଲ ବୋଲି ପ୍ରଶ୍ନ କରୁଥିବା ଦେଖିବାକୁ ମିଳିଛି। ଅନ୍ୟପଟେ ଅଭିଯୁକ୍ତ ଜଣକ ବାରମ୍ବାର କ୍ଷମା ମାଗୁଥିବା ମଧ୍ୟ ଦେଖାଯାଉଛି। ଏହି ଘଟଣାକୁ ନେଇ ସାଧାରଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଲୋକମାନେ ବ୍ରୋକରମାନଙ୍କର ବ୍ୟାକଗ୍ରାଉଣ୍ଡ ଯାଞ୍ଚ ଏବଂ ମହିଳାଙ୍କ ସୁରକ୍ଷା ପାଇଁ କଠୋର ନିୟମ ଦାବି କରିଛନ୍ତି।