ମନୋରଞ୍ଜନ
26 Oct 2021
By The Sakala
୩ ମହଲା କୋଠାରେ ଅଗ୍ନିକାଣ୍ଡ, ଜଳିଗଲେ ପରିବାରର ୪ସଦସ୍ୟ
ନୂଆଦିଲ୍ଲୀ: ଦିଲ୍ଲୀର ପୁରୁଣା ସୀମାପୁରୀ ଅଞ୍ଚଳରେ ଥିବା ଗୋଟିଏ ୩ ମହଲା କୋଠାରେ ଅଗ୍ନିକାଣ୍ଡ ଘଟିଛି। ଏହି ଅଗ୍ନିକାଣ୍ଡରେ ପରିବାରର ୪ସଦସ୍ୟଙ୍କ ମୃତ୍ଯୁ ଘଟିଥିବା ଜଣାପଡ଼ିଛି।
ସୂଚନା ଅନୁଯାୟୀ, ଭୋର ୪ଟାରେ ପୁରୁଣା ସୀମାପୁରୀ ଅଞ୍ଚଳରେ ଅଗ୍ନିକାଣ୍ଡ ଘଟିଥିଲା । ଖବର ପାଇ ଅଗ୍ନିଶମ ବାହିନୀର ୪ଟି ଗାଡ଼ି ଯାଇ ଘଟଣାସ୍ଥଳରେ ପହଞ୍ଚିଥିଲା । କିଛି ଘଣ୍ଟାର ଉଦ୍ୟମ ପରେ ନିଆଁକୁ ଆୟତ୍ତ କରାଯାଇଥିବା ବେଳେ ସେତବେଳକୁ ୪ଜଣଙ୍କର ମୃତ୍ୟୁ ଘଟିସାରିଥିଲା। ଅଗ୍ନିଶମ ବାହିନୀ ମୃତଦେହକୁ ତୃତୀୟ ମହଲାରୁ ଉଦ୍ଧାର କରିଥିବା ବେଳେ ଧୁଆଁ ପାଇଁ ଅଣନିଶ୍ବାସ ହୋଇ ୪ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି। ତେବେ ଏପର୍ଯ୍ଯନ୍ତ ନିଆଁ ଲାଗିବାର ପ୍ରକୃତ କାରଣ ଜଣାପଡ଼ିପାରି ନାହିଁ।
https://www.thesakala.in/national-international/fire-kills-four-in-delhis-old-seemapuri-area/article-6357
About The Author
