ମନୋରଞ୍ଜନ
ଓଡ଼ିଶା
ମଧ୍ୟପ୍ରଦେଶରେ ସରିଲା ନିର୍ବାଚନ ପ୍ରଚାର: ୨୩୦ ବିଧାନସଭା ଆସନ ପାଇଁ ୧୭ରେ ହେବ ଭୋଟ ଗ୍ରହଣ
ଭୋପାଳ: ମଧ୍ୟପ୍ରଦେଶ ୨୩୦ ବିଧାନସଭା ଆସନ ନିମନ୍ତେ ନଭେମ୍ବର ୧୭ ତାରିଖରେ ଭୋଟ ଗ୍ରହଣ ହେବ। ନିର୍ବାଚନ ଆୟୋଗଙ୍କ ନିୟମ ଅନୁସାରେ ୪୮ ଘଣ୍ଟା ପୂର୍ବରୁ ବୁଧବାର ନିର୍ବାଚନ ପ୍ରଚାର ଶେଷ ହୋଇଛି। ନିର୍ବାଚନ ପାଇଁ ଏବେ ମାତ୍ର ୨ ଦିନ ବାକି, ତେବେ ପାଖାପାଖି ୧ ମାସ ହେବ ବିଜେପି ଓ କଂଗ୍ରେସ ସମେତ ଅନ୍ୟ ରାଜନୈତିକ ଦଳ ଜୋରଦାର ପ୍ରଚାର ଚଳାଇଥିଲେ।
ମଧ୍ୟପ୍ରଦେଶର ୫ କୋଟି ୬୦ ଲକ୍ଷ ଭୋଟର ରାଜ୍ୟ ନିମନ୍ତେ ସରକାର ନିର୍ବାଚନ କରିବେ। ଡିସେମ୍ବର ୩ ତାରିଖ ଦିନ ଫଳାଫଳ ଘୋଷଣା କରାଯିବ। ସବୁ ଦଳର ନେତାମାନେ ସାରା ରାଜ୍ୟରେ ବଡବଡ ଜନସଭାକୁ ଯାଇ ନିର୍ବାଚନ ପ୍ରଚାର ଆରମ୍ଭ କରିଥିଲେ। ଏଥିରେ ନେତାମାନେ ସବୁ ଅଞ୍ଚଳର ଜନତାଙ୍କୁ ସାଧିବାକୁ ଉଦ୍ୟମ କରିଥିଲେ।
ଖବର ଅନୁଯାୟୀ, ମଧ୍ୟପ୍ରଦେଶ ବିଧାନସଭା ନିର୍ବାଚନ ନିମନ୍ତେ ଅକ୍ଟୋବର ୯ ତାରିଖରୁ ଆଦର୍ଶ ଆଚରଣ ସଂହିତା ଲାଗୁ କରାଯାଇଥିଲା। ଆଦର୍ଶ ଆଚରଣ ସଂହିତା ଲାଗୁ ହେବା ପରେ ରାଜନୈତିକ ପାର୍ଟି ଓ ସେମାନଙ୍କ ପ୍ରାର୍ଥୀମାନେ ନିଜନିଜର ବିଜୟ ପାଇଁ ଜୋରଦାର ପ୍ରଚାର ପ୍ରସାର ଆରମ୍ଭ କରିଦେଇଥିଲେ। ମଧ୍ୟପ୍ରଦେଶର ସବୁ ୨୩୦ ଆସନ ନିମନ୍ତେ ଗୋଟିଏ ପର୍ଯ୍ୟାୟରେ ଭୋଟ ଗ୍ରହଣ ହେବ।
About The Author
