ମନୋରଞ୍ଜନ
ଓଡ଼ିଶା
08 Oct 2023
By The Sakala
ଆଫଗାନିସ୍ତାନ ଭୂମିକମ୍ପରେ ମୃତ୍ୟୁ ସଂଖ୍ୟା ୨୦୦୦ ଟପିଲା, ଧ୍ୱଂସସ୍ତୁପ ପାଲଟିଲା ଶହଶହ କୋଠା
କାବୁଲ: ଆଫଗାନିସ୍ତାନରେ ହୋଇଥିବା ଶକ୍ତିଶାଳୀ ଭୂମିକମ୍ପରେ ମୃତ୍ୟୁ ସଂଖ୍ୟା ବଢ଼ିବାରେ ଲାଗିଛି । ବଡ ଧରଣର ଭୂମିକମ୍ପରେ ଏଯାଏଁ ମୃତ୍ୟୁ ସଂଖ୍ୟା ୨୦୦୦ ଟପିଲାଣି ବୋଲି ତାଲିବାନର ଜଣେ ପ୍ରବକ୍ତା ସୂଚନା ଦେଇଛନ୍ତି । ଗତକାଲି ତିନୋଟି ଭୂକମ୍ପରେ ଥରି ଉଠିଥିଲା ଆଫଗାନିସ୍ତାନ, ଯାହାର ତୀବ୍ରତା ଯଥାକ୍ରମେ ୬.୩, ୫.୯ ଓ ୫.୫ ଥିଲା । ପଶ୍ଚିମ ଆଫଗାନିସ୍ତାନ ଓ ଇରାନର ସୀମାରେ ସୃଷ୍ଟି ହୋଇଥିବା ଏହି ଶକ୍ତିଶାଳୀ ଭୂମିକମ୍ପରେ ହଜାର ହଜାର ଲୋକ ପ୍ରାଣ ହରାଇଥିବାବେଳେ ଅନେକ ଗୁରୁତର ଆହତ ହୋଇଛନ୍ତି ।ଏହାସହ ହଜାର ହଜାର ସଂଖ୍ୟାରେ ଲୋକ ବାସହୀନ ହୋଇପଡିଛନ୍ତି ।
ଶକ୍ତିଶାଳୀ ଭୂମିକମ୍ପରେ ହେରାତ ସହରର ପାଖାପାଖି ୪୦ କିଲୋମିଟର ଦୂରତା ଭିତରେ ଥିବା ୬ଟି ଗାଁଁ ଧ୍ୱଂସ ହୋଇଛି । ଶହଶହ କୋଠା ମାଟିରେ ମିଶିଛି । ଭୁଶୁଡ଼ି ପଡ଼ିଥିବା କୋଠା ତଳେ ଅନେକ ଲୋକ ଫସି ରହିପାରନ୍ତି ବୋଲି ଆଶଙ୍କା କରିଛି ଜାତିସଂଘ । ଜାତିସଂଘ ଭୂବିଜ୍ଞାନ ସର୍ଭେ ମୁତାବକ ଭୂକମ୍ପର କେନ୍ଦ୍ରସ୍ଥଳ ହେରାତ ସହରରୁ ୪୦ କିଲୋମିଟର ଉତ୍ତର-ପଶ୍ଚିମ ଥିଲା।
https://www.thesakala.in/national-international/death-toll-rises-to-2000-in-powerful-earthquakes-in-afghanistan/article-26190
About The Author
