ମୁମ୍ଵାଇ: ବର୍ତ୍ତମାନ ଜୋମାଟୋର ଏକ ଟ୍ବିଟ୍ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଖାଦ୍ୟ ବିତରଣ କମ୍ପାନୀ ନିଜ ଟ୍ୱିଟରେ ଭୋପାଳର ବାସିନ୍ଦା ଅଙ୍କିତାଙ୍କୁ କ୍ୟାଶ ଅନ୍ ଡେଲିଭରି (COD) ରେ ତାଙ୍କ ପୂର୍ବତନ ପ୍ରେମିକଙ୍କ ନିକଟକୁ ଖାଦ୍ୟ ପଠାଇବା ବନ୍ଦ କରିବାକୁ ଅନୁରୋଧ କରିଛି।

ଟ୍ୱିଟ୍ କରି ଜୋମାଟୋ  ଲେଖିଛି ଯେ, ‘ଭୋପାଳର ଅଙ୍କିତା, ପ୍ଲିଜ୍‌ ଆପଣ ନିଜ ଏକ୍ସଙ୍କୁ କ୍ୟାସ୍‌ ଅନ୍‌ ଡେଲିଭରୀ କରି ଖାଦ୍ୟ ପଠାଇବା ବନ୍ଦ କରନ୍ତୁ । ଏହା ତୃତୀୟ ଥର ହୋଇଛି, ଯେତେବେଳେ ସେ ପଇସା ଦେବାକୁ ମନା କରି ଦେଇଛନ୍ତି।

Ankita from Bhopal please stop sending food to your ex on cash on delivery. This is the 3rd time – he is refusing to pay!

ଆହୁରି ପଢ଼ନ୍ତୁ: ଦିଲ୍ଲୀର ମାଲବିୟ ନଗରରେ ଚାଞ୍ଚଲ୍ୟ: ଫ୍ଲାଟରୁ ମିଳିଲା ଦୁଇ ଭଉଣୀଙ୍କ ମୃତଦେହ, ମାଆ ଗୁରୁତର

— zomato (@zomato) August 2, 2023

କମ୍ପାନୀର କହିବା ଅନୁଯାୟୀ, ଭୋପାଳରେ ଅଙ୍କିତା ନାମକ ଜଣେ ଯୁବତୀ ଅଛନ୍ତି । ଯିଏ ଜୋମାଟୋରୁ ତାଙ୍କ ଏକ୍ସ-ବଏଫ୍ରେଣ୍ଡକୁ ଖାଦ୍ୟ ପଠାଉଥିଲେ। କିନ୍ତୁ ତାଙ୍କ ଏକ୍ସ ଖାଦ୍ୟ ନେବାକୁ ମନା କରିଦେଇଥିଲେ। କାରଣ ଅଙ୍କିତା ପ୍ରତ୍ୟେକ ଥର ‘କ୍ୟାଶ୍ ଅନ୍ ଡେଲିଭରି’ (COD) ଅର୍ଡର କରୁଥିଲେ। ଯେତେବେଳେ ଏହା ଡେଲିଭରି ହୁଏ, ରିସିଭର୍ ଅର୍ଡର ପାଇଁ ଦେୟ ପ୍ରଦାନ କରିବାକୁ ପଡେ। ତୁମେ ବୁଝି ପାରୁଥିବ କି ଅଙ୍କିତା ନାମକ ଯୁବତୀ ଜୋମାଟୋର ଡେଲିଭରି ପାର୍ଟନର ଏବଂ ଏକ୍ସକୁ କିପରି ହଇରାଣ କରୁଥିଲେ। ଏଥିରୁ ବିରକ୍ତ ହୋଇ ‘ଜୋମାଟୋ’ ଅଙ୍କିତାଙ୍କ ନାମକୁ ସର୍ବସାଧାରଣରେ ଟ୍ୱିଟ୍ କରିଥିଲା। ଏହି ଟ୍ବିଟରେ ଲୋକଙ୍କ ଅନେକ ମଜାଳିଆ ପ୍ରତିକ୍ରିୟା ମଧ୍ୟ ଆସୁଥିବାର ଦେଖିବାକୁ ମିଳିଛି। ଏହା ବ୍ୟତୀତ କେତେକ କହିଛନ୍ତି ଯେ ଏହା ଜୋମାଟର ଏକ ବଡ଼ ମାର୍କେଟିଂ ଷ୍ଟଣ୍ଟ।