ମନୋରଞ୍ଜନ
ଓଡ଼ିଶା
ଖାଦ୍ୟ ସୁରକ୍ଷାର ସଫଳ ରୂପାୟନ ପାଇଁ ଓଡ଼ିଶା ମଡେଲକୁ ବିଶ୍ବ ଖାଦ୍ୟ ସଂଗଠନ ଭାରତ ମୁଖ୍ୟଙ୍କ ପ୍ରଶଂସା
ଭୁବନେଶ୍ୱର: ରାଜ୍ୟରେ ଜାତୀୟ ଖାଦ୍ୟ ସୁରକ୍ଷା ଆଇନର ସଫଳ ରୂପାୟନ ପାଇଁ ବିଶ୍ୱ ଖାଦ୍ୟ ସଂଗଠନର ଭାରତ ମୁଖ୍ୟ ବିଶ୍ୱ ପାରାଜୁଲିଙ୍କ ଭୁରି ଭୁରି ପ୍ରଶଂସା କରିଛନ୍ତି । ଜାତୀୟ ଖାଦ୍ୟ ସୁରକ୍ଷା ଆଇନ ଲାଗୁ କରିବାରେ ସାରା ଦେଶରେ ଓଡ଼ିଶା ଏକ ନମ୍ୱର ସ୍ଥାନରେ ରହିଛି । ରାଜ୍ୟ ଖାଦ୍ୟ ଯୋଗାଣ ମନ୍ତ୍ରୀ ଅତନୁ ସବ୍ୟସାଚୀ ନାୟକଙ୍କୁ ଭେଟିଛନ୍ତି ପାରାଜୁଲି । ରାଜ୍ୟରେ ସେଣ୍ଟର ଅଫ ଏକ୍ସିଲେନ୍ସ ପ୍ରତିଷ୍ଠା କରିବ ବିଶ୍ୱ ଖାଦ୍ୟ ସଂଗଠନ ।
ମାଲକାନଗିରି ଜିଲ୍ଲାରେ ପୋଷଣଯୁକ୍ତ ଚାଉଳ ବଣ୍ଟନର ପାଇଲଟ ପ୍ରୋଜେକ୍ଟ ଆରମ୍ଭ କରିଛନ୍ତି ରାଜ୍ୟ ସରକାର। ବଣ୍ଟନ କାର୍ୟ୍ୟକ୍ରମର ସୀମା ନିର୍ଦ୍ଧାରଣ ପାଇଁ ସର୍ଭେ କରାଯିବ। ପୋଷଣଯୁକ୍ତ ଚାଉଳ ଧାନର ଉପଯୋଗୀତା ନେଇ ଯୋଗାଣ ଅଧିକାରୀ, ମିଲର ଓ ଡିଲରଙ୍କୁ ସଚେତନ କରାଯିବ। ସବୁ ପିଡିଏସ ଜିଲ୍ଲାରେ କାର୍ଯ୍ଯକ୍ରମ ଆରମ୍ଭ ହେବ । ଭୁବନେଶ୍ୱରରେ ଶସ୍ୟ ଏଟିଏମ ପ୍ରତିଷ୍ଠା ପାଇଁ WFP ସହଯୋଗ କରିଛି । ରାଜ୍ୟର ସବୁ ମହାନଗର ନିଗମରେ ୨ଟି ଲେଖାଏଁ ଏଟିଏମ ପ୍ରତିଷ୍ଠା ପାଇଁ WFP ଭାରତ ମୁଖ୍ୟଙ୍କ ନିକଟରେ ଯୋଗାଣ ମନ୍ତ୍ରୀ ଅତନୁ ସବ୍ୟସାଚୀ ନାୟକ ଦାବି କରିଛନ୍ତି ।
About The Author
