ମନୋରଞ୍ଜନ
12 Dec 2025
By Deviprasad Mohanty
ପୁଣି ଲଜ୍ଜା: ରାଜଧାନୀରେ ଘରେ ପଶି ନାବାଳିକାକୁ ଦୁଷ୍କର୍ମ ଅଭିଯୋଗ
ଭୁବନେଶ୍ୱର: କଳିଙ୍ଗନଗର ଅଞ୍ଚଳରେ ରହୁଥିବା ଜଣେ ନାବାଳିକାକୁ ଦୁଷ୍କର୍ମ କରିଥିବା ନେଇ ଅଭିଯୋଗ ହୋଇଛି। ବାପାମାଆ ନ ଥିବା ବେଳେ ଜଣେ ଅଭିଯୁକ୍ତ ଘରେ ପଶି ୧୧ ବର୍ଷୀୟା ନାବାଳିକାକୁ ଦୁଷ୍କର୍ମ କରିଛି। ଏନେଇ ନାବାଳିକାର ବାପା ଆଜି ମହିଳା ଥାନାରେ ଏତଲା ଦେବାପରେ ପୁଲିସ ମାମଲା ରୁଜୁ କରିଛି।
ଅଭିଯୋଗ ଅନୁଯାୟୀ, ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ଥାନା ଅଞ୍ଚଳର ଜଣେ ବ୍ୟକ୍ତି ପତ୍ନୀ ଓ ୧୧ ବର୍ଷୀୟା ନାବାଳିକା ଝିଅ ସହ ଭରତପୁର ଥାନା ଅଧୀନସ୍ଥ କଳିଙ୍ଗନଗର ଅଞ୍ଚଳରେ ରହୁଛନ୍ତି। ଗତ ୪ ତାରିଖ ଦିନ ବାପାମାଆ କାମ କରିବାକୁ ବାହାରକୁ ଯାଇଥିବା ବେଳେ ନାବାଳିକା ଜଣକ ଏକାକୀ ଘରେ ଥିଲେ। ଏହାର ସୁଯୋଗ ନେଇ ଅଭିଯୁକ୍ତ ଜଣକ ତାଙ୍କ ଘରେ ପଶି ନାବାଳିକାକୁ ଦୁଷ୍କର୍ମ କରିଥିଲା। ପରିବାର ଲୋକେ ଜାଣିବା ପରେ ନାବାଳିକାର ବାପା ଆଜି ମହିଳା ଥାନାରେ ଅଭିଯୋଗ କରିଛନ୍ତି। ତାଙ୍କ ଅଭିଯୋଗ ଆଧାରରେ ମହିଳା ଥାନା ପୁଲିସ ଦଫା ୬୫(୨) ବିଏନ୍ଏସ୍ ଓ ୬ ପୋକ୍ସୋ ଆକ୍ଟ ଲଗାଇ ମାମଲା ରୁଜୁ କରିଛି।
https://www.thesakala.in/latest-odisha-news/shame-again-in-bbsr-allegation-of-minor-girl-raped-after-entering-house/article-43537
About The Author
