ମନୋରଞ୍ଜନ
ଓଡ଼ିଶା
ଭୁବନେଶ୍ୱର: ରାଜ୍ଯରେ ଆସନ୍ତା ୨୧ରୁ ଖୋଲିବ ଏକାଦଶ ଶ୍ରେଣୀ । ଏକାଦଶ ଶ୍ରେଣୀ ପାଇଁ ସ୍କୁଲ ଖୋଲିବା ନେଇ ଗଣଶିକ୍ଷା ବିଭାଗର ଚିଠି । ସବୁ ଅଧ୍ୟକ୍ଷଙ୍କୁ ବିଭାଗୀୟ ପ୍ରମୁଖ ସଚିବ ସତ୍ୟବ୍ରତ ସାହୁ ଚିଠି ଲେଖିଛନ୍ତି।
ପୂର୍ବରୁ ଶ୍ରେଣୀଗୃହରେ ପାଠପଢ଼ା ନେଇ ଗଣଶିକ୍ଷା ବିଭାଗ ଗାଇଡଲାଇନ୍ ଜାରି କରିଛି । ଦୂରରୁ ଆସୁଥିବା ପିଲାଙ୍କ ପାଇଁ ପ୍ରଥମ ଦିନ ଇଣ୍ଡକସନ ସେସନ କରାଯିବ । ଏହି ସମୟରେ ପିଲାଙ୍କ ସହ ରହିବେ ଅଭିଭାବକ । ନଭେମ୍ବର ପହିଲାରୁ ୟୁନିଫର୍ମରେ ଆସିବେ ଛାତ୍ରଛାତ୍ରୀ । ଛାତ୍ରଛାତ୍ରୀଙ୍କୁ ମିଳିବ ଅସ୍ଥାୟୀ ପରିଚୟପତ୍ର ।
ଏଥିସହ ଛାତ୍ରଛାତ୍ରୀଙ୍କୁ ପିଡିଏଫ ଫର୍ମରେ ପୁସ୍ତକ ଯୋଗାଇ ଦିଆଯିବ । ରାଗିଂ ଫ୍ରି କ୍ୟାମ୍ପସ ଉପରେ ଗୁରୁତ୍ୱ ଦିଆଯାଉଛି । ଶ୍ରେଣୀକକ୍ଷ ସହ ହଷ୍ଟେଲ ଉପରେ ମଧ୍ୟ ନଜର ରଖିବେ ଅଧ୍ୟାପକ । ଶ୍ରେଣୀକକ୍ଷରୁ ହଷ୍ଟେଲ ଯାଏ କୋଭିଡ ନିୟମ କଡ଼ାକଡ଼ି ଭାବେ ପାଳନ ହେବ । ଶ୍ରେଣୀକକ୍ଷ, ହଷ୍ଟେଲ ଓ ପରିବେଶ ଠିକ୍ ଅଛି କି ନାହିଁ ସେ ରିପୋର୍ଟ ଦେବେ ଡିଇଓ । ଏନେଇ ଉଚ୍ଚ ମାଧ୍ୟମିକ ସ୍କୁଲ ଅଧ୍ୟକ୍ଷଙ୍କୁ ଚିଠି ଲେଖାଯାଇଛି । ପୂର୍ବରୁ କଲେଜ ଅଧ୍ୟକ୍ଷଙ୍କ ସହ ଗତ ୧୬ ତାରିଖରେ ଆଲୋଚନା ହୋଇଥିଲା
About The Author
