ମନୋରଞ୍ଜନ
ଓଡ଼ିଶା
02 Aug 2022
By The Sakala
ପାଞ୍ଚ ହଜାର ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଧରାପଡିଲେ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର କିରାଣୀ
ଖୋର୍ଦ୍ଧା: ଲାଞ୍ଚ ନେଇ ଧରାହେଲେ କିରାଣୀ । ମୃତ ବ୍ୟକ୍ତିଙ୍କ ପ୍ରମାଣପତ୍ର କରିଦେବାକୁ ୫ ହଜାର ଟଙ୍କା ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଧରାପଡିଲେ ଖୋର୍ଦ୍ଧା ଥାନା ଅନ୍ତର୍ଗତ ହଳଦିଆ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର କିରାଣୀ ଅନୁପ ଶତପଥୀ । ସୂଚନା ଅନୁସାରେ, ଚମ୍ପାଝର ଗ୍ରାମର ସୁନିଲ ତ୍ରିପାଠୀ ତାଙ୍କ ଜେଜେ ବାପା ଜେଜେ ମା’ଙ୍କ ମୃତ ପ୍ରମାଣ ପତ୍ର ପାଇ ହଳଦିଆ ସ୍ବାସ୍ଥ୍ୟ କେନ୍ଦ୍ରର କିରାଣୀ ଅନୁପ ଶତପଥୀଙ୍କ ସହ ଯୋଗାଯୋଗ କରିବାରୁ ସେ ଏଥିପାଇଁ ୩ହଜାର ଲେଖାଏଁ ୬ହଜାର ଟଙ୍କା ଦାବି କରିଥିଲେ। ଶେଷରେ ୫ ହଜାରରେ କଥା ଛିଡିଥିଲା । ଆଜି ନିଜ କାର୍ଯ୍ୟାଳୟରେ ୫ ହଜାର ଟଙ୍କା ନେବାବେଳେ ଖବର ପାଇ ଖୋର୍ଦ୍ଧା ଭିଜିଲାନ୍ସ ଟିମ୍ ପହଞ୍ଚି ନଗଦ ଟଙ୍କା ଜବତ କରିବା ସହ ତାଙ୍କୁ ଗିରଫ କରି ତଦନ୍ତ ଚଳାଇଛି।
https://www.thesakala.in/latest-odisha-news/khordha/clerk-caught-by-the-vigilance-while-accepting-a-bribe/article-13811
About The Author
