ମନୋରଞ୍ଜନ
ଓଡ଼ିଶା
ମାଂସ କିଣିବାକୁ ଟଙ୍କା ନଦେବାରୁ ସ୍ତ୍ରୀକୁ ପିଟି ପିଟି ହତ୍ୟା କଲା ନୃଶଂସ ସ୍ୱାମୀ
ବାରିପଦା: ସାମାନ୍ୟ କେତେଟା ଟଙ୍କା ପାଇଁ ନୃଶଂସ ହେଲା ସ୍ବାମୀ। ସାତ ଜନମର ସାଙ୍ଗ ହୋଇ ରହିବାର ପ୍ରତିଶୃତି ହୋଇଗଲା ପାଣିର ଗାର। ଅମାନବୀୟ ହୋଇ ବାଡ଼ିରେ ପିଟି ପିଟି ନିଜ ସ୍ତ୍ରୀକୁ ହତ୍ୟା କରିଛି ସ୍ବାମୀ। ମୟୁରଭଞ୍ଜ ଜିଲ୍ଲାର ବାଙ୍ଗିରିପୋଷି ଥାନା ସିମିଲା ଛକ ନିକଟରେ ଘଟିଛି ଅଭାବନୀୟ ଘଟଣା। ମୃତକ ମହିଳା ହେଲେ ନିନି ମୁଣ୍ଢା, ଅଭିଯୁକ୍ତ ସ୍ଵାମୀ ହେଲେ ଦେବେନ୍ଦ୍ର ସିଂ। ଗତକାଲି ରାତିରେ ମାଂସ ଆଣିବାକୁ ଟଙ୍କା ମାଗିଥିଲା ଅଭିଯୁକ୍ତ। କିନ୍ତୁ ରାଗ ହେଲା ଚଣ୍ଡାଳ। ଟଙ୍କା ନଦେବାରୁ ରାଗରେ ବାଡ଼ିରେ ନିଜ ସ୍ତ୍ରୀକୁ ପିଟି ଥିଲା। ସକାଳୁ ଉଠି ଦେଖିଲା ବେଳକୁ ମହିଳାଙ୍କର ଚେତା ନଥିଲା। ଘଟଣା ସମ୍ପର୍କରେ ବାଙ୍ଗିରିପୋଷି ପୋଲିସକୁ ଖବର ଦେବା ପରେ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଥବା ବେଳେ ହତ୍ୟା ଅଭିଯୋଗରେ ସ୍ୱାମୀକୁ ଅଟକ ରଖିଛି ପୋଲିସ ।
About The Author
