ଆସନ୍ତା ବର୍ଷରୁ ଓଡ଼ିଶା ଆଦର୍ଶ ବିଦ୍ୟାଳୟରେ ବାଣିଜ୍ୟ ପାଠପଢ଼ା

By The Sakala

Published On Jan 31, 2022 10:07 AM IST

ଭୁବନେଶ୍ୱର,୩୦।୧(ସମିସ): ଆସନ୍ତା ଶିକ୍ଷା ବର୍ଷରୁ ରାଜ୍ୟର ଆଦର୍ଶ ବିଦ୍ୟାଳୟ ଗୁଡ଼ିକରେ ବାଣିଜ୍ୟ ବିଭାଗ ଖୋଲିବ। ଏଣିକି ଆଦର୍ଶ ବିଦ୍ୟାଳୟରେ ମଧ୍ୟ ରାଜ୍ୟର ଛାତ୍ରଛାତ୍ରୀ ବାଣିଜ୍ୟରେ +୨ ଅଧ୍ୟୟନ କରିବେ। ୨୦୨୨-୨୩ ଶିକ୍ଷା ବର୍ଷରୁ ପ୍ରାଥମିକ ଭାବେ ରାଜ୍ୟର ୩୦ଟି ଆଦର୍ଶ ବିଦ୍ୟାଳୟରେ ବାଣିଜ୍ୟ ବିଭାଗ ଖୋଲିବା ନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ପ୍ରସ୍ତୁତି ଆରମ୍ଭ କରିଛି। ତେବେ ୩୦ଟି ଆଦର୍ଶ ବିଦ୍ୟାଳୟରେ ୮୦ ଜଣ ଲେଖାଏଁ ଛାତ୍ରଛାତ୍ରୀ ପଢ଼଼ିବେ। ପ୍ରତି ବିଦ୍ୟାଳୟରେ ଦୁଇଟି ଲେଖାଏଁ ସେକସନ୍‍ […]

ଭୁବନେଶ୍ୱର,୩୦।୧(ସମିସ): ଆସନ୍ତା ଶିକ୍ଷା ବର୍ଷରୁ ରାଜ୍ୟର ଆଦର୍ଶ ବିଦ୍ୟାଳୟ ଗୁଡ଼ିକରେ ବାଣିଜ୍ୟ ବିଭାଗ ଖୋଲିବ। ଏଣିକି ଆଦର୍ଶ ବିଦ୍ୟାଳୟରେ ମଧ୍ୟ ରାଜ୍ୟର ଛାତ୍ରଛାତ୍ରୀ ବାଣିଜ୍ୟରେ +୨ ଅଧ୍ୟୟନ କରିବେ। ୨୦୨୨-୨୩ ଶିକ୍ଷା ବର୍ଷରୁ ପ୍ରାଥମିକ ଭାବେ ରାଜ୍ୟର ୩୦ଟି ଆଦର୍ଶ ବିଦ୍ୟାଳୟରେ ବାଣିଜ୍ୟ ବିଭାଗ ଖୋଲିବା ନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ପ୍ରସ୍ତୁତି ଆରମ୍ଭ କରିଛି। ତେବେ ୩୦ଟି ଆଦର୍ଶ ବିଦ୍ୟାଳୟରେ ୮୦ ଜଣ ଲେଖାଏଁ ଛାତ୍ରଛାତ୍ରୀ ପଢ଼଼ିବେ। ପ୍ରତି ବିଦ୍ୟାଳୟରେ ଦୁଇଟି ଲେଖାଏଁ ସେକସନ୍‍ ରହିବ। ପ୍ରାଥମିକ ସ୍ତରରେ ରାଜ୍ୟର ୩୦ ଆଦର୍ଶ ବିଦ୍ୟାଳୟରେ ମୋଟ ୨୪ଶହ ଛାତ୍ରଛାତ୍ରୀ ବାଣିଜ୍ୟ ବିଭାଗରେ ଅଧ୍ୟୟନ କରିବେ। ସ୍କୁଲଗୁଡ଼ିକରେ ଶିକ୍ଷାଦାନ ପାଇଁ ଶିକ୍ଷକ ନିଯୁକ୍ତି ପାଇଁ ଆବେଦନ ପ୍ରକ୍ରିୟା ଜାରି ରହିଥିବାବେଳେ ଖୁବ୍‍ ଶିଘ୍ର ପ୍ରକ୍ରିୟା ଶେଷ ହେବ। ସୂଚନାଯୋଗ୍ୟ ବର୍ତ୍ତମାନ ରାଜ୍ୟର ୬୦ ଆଦର୍ଶ ବିଦ୍ୟାଳୟରେ ଛାତ୍ରଛାତ୍ରୀ ବିଜ୍ଞାନ ବିଭାଗରେ ଦ୍ୱାଦଶ ଅଧ୍ୟୟନ କରୁଛନ୍ତି। ଆଗାମି ବର୍ଷରୁ ୩୦ଟି ବିଦ୍ୟାଳୟରେ ୨୪ଶହ ଛାତ୍ରଛାତ୍ରୀ ବାଣିଜ୍ୟ ବିଭାଗରେ +୨ ଅଧ୍ୟୟନ କରିବେ। ଏଥି ସହିତ ବିଜ୍ଞାନ ବିଭାଗର +୨ ସିଟ୍‍ ମଧ୍ୟ ବୃଦ୍ଧି କରାଯାଇଛି।