ମନୋରଞ୍ଜନ
ହ୍ୟାଙ୍ଗ୍ନେଲ୍ ସମସ୍ୟା ଦୂର ପାଇଁ ଜାଣନ୍ତୁ ଉପଚାର…..
ହ୍ୟାଙ୍ଗ୍ନେଲ୍ ହେଉଛି, ହାତନଖର ଚାରିପଟେ ଥିବା ଚର୍ମ, ଯାହାକି ଶୁଷ୍କ ହୋଇ ମାଛକାତି ଭଳି ହୋଇଯାଏ। ଏହା ବେଶ୍ ଯନ୍ତ୍ରଣାଦାୟକ ଏବଂ ଏହାକୁ ବାହାର କରିବା ସମୟରେ ରକ୍ତ ବାହାରିଥାଏ। ଫଙ୍ଗସ୍ ଏବଂ ଭୂତାଣୁ ପ୍ରଭାବରେ ଆଙ୍ଗୁଠି ପାଖର ଏହି ତ୍ବଚାରେ ଘା’ ମଧ୍ୟ ହୋଇଥାଏ। ତେବେ, ଏହାକୁ ଦୂର କରିବା ପାଇଁ କେତେକ ଘରୋଇ ଉପାୟ ରହିଛି।
ହ୍ୟାଙ୍ଗ୍ନେଲ୍କୁ ନେଲ୍ କଟର୍ରେ କାଟିଦେବା ଦ୍ବାରା ସଂକ୍ରମଣ ହେବାର ଆଶଙ୍କା ଥାଏ। ତେଣୁ ପ୍ରଥମେ ଗୋଟିଏ ପାତ୍ରରେ ଗରମ ପାଣି ଆଣି ସେଥିରେ ଭିଟାଇନ୍ ଇ’ ତେଲରୁ କିଛି ବୁନ୍ଦା ପକାଇ ଛୋଟ ଟାୱଲ୍କୁ ୧୦-୧୫ ମିନିଟ୍ ବୁଡ଼ାଇ ରଖନ୍ତୁ। ସେହି ଟାୱଲ୍କୁ ଆଙ୍ଗୁଠିେର ଗୁଡ଼ାଇ କିଛି ସମୟ ଛାଡ଼ିଦିଅନ୍ତୁ। ଏହାଦ୍ବାରା ହ୍ୟାଙ୍ଗ୍ନେଲ୍ କୋମଳ ହୋଇଯାଏ। ଏହାପରେ ତାହାକୁ କାଟିବ। ପାଇଁ କ୍ୟୁଟିକଲ୍ସ ନିପ୍ପର ବ୍ୟବହାର କରନ୍ତୁ।
-ପ୍ରତ୍ୟେକ ଦିନ ଆଙ୍ଗୁଠିରେ ଆଣ୍ଟିବ୍ୟାକ୍ଟେରିଆଲ୍ କ୍ରିମ୍ ଲଗାନ୍ତୁ।
-ହ୍ୟାଙ୍ଗ୍ନେଲ୍ ଅଧିକ ହୋଇଥିଲେ, ବ୍ୟାଣ୍ଡେଡ୍ ଲଗାନ୍ତୁ।
-ହାତ ଓ ନଖ ଶୁଷ୍କ ନ ହେବା ପାଇଁ ପେଟ୍ରୋଲିୟମ୍ ଜେଲି, ଶୁଦ୍ଧ ନଡ଼ିଆ ତେଲ ଓ ଅଲିଭ୍ ଅଏଲ୍ ଲଗାନ୍ତୁ।
-ଅଧିକ ଡିଟରଜେଣ୍ଟ୍ କିମ୍ବା ସାବୁନ୍ର ବ୍ୟବହାରରୁ ଦୂରେଇ ରୁହନ୍ତୁ।
-ଶରୀରର ଜଳୀୟ ଅଂଶ ନ କମିବା ଏବଂ ତ୍ବଚା କୋମଳ ରହିବା ପାଇଁ ସଠିକ୍ ପରିମାଣରେ ପାଣି ପିଅନ୍ତୁ।
About The Author
