ମନୋରଞ୍ଜନ
ଓଡ଼ିଶା
ସ୍ବାମୀ – ସ୍ତ୍ରୀ କରୁଥିଲେ ବ୍ରାଉନସୁଗର ବେପାର, ସାଧା ପୋଷାକରେ ଗରାଖ ସାଜି ମାଡି ବସିଲା ପୁଲିସ
ବାରଙ୍ଗ: ସାଧା ପୋଷାକରେ ବ୍ରାଉନସୁଗର ବେପାରୀଙ୍କୁ ମାଡି ବସିଲା ପୁଲିସ । ମଞ୍ଚେଶ୍ବର ଥାନା ପଦ୍ମ କେଶରୀପୁର ଗାଁରୁ ୪୦ ପୁଡିଆ ବ୍ରାଉନସୁଗାର ଜବତ କରିବା ସହିତ ଦୁଇ ଅଭିଯୁକ୍ତଙ୍କୁ ଗିରଫ କରିଛି ମଞ୍ଚେଶ୍ବର ପୁଲିସ । ଦୁଇ ଅଭିଯୁକ୍ତ ହେଲେ ସ୍ବାମା-ସ୍ତ୍ରୀ । ସ୍ବାମୀର ନାଁ ପରିମଳ ଦାସ ଓ ସ୍ତ୍ରୀର ନାଁ ଝୁନୁ ଦାସ ବୋଲି ଜଣାପଡ଼ିଛି।
ସୂଚନା ଅନୁଯାୟୀ, ବିଶେଷ ସୂତ୍ରରୁ ଖବର ପାଇ ମଞ୍ଚେଶ୍ବର ପୁଲିସର ଏକ ଟିମ ଆଜି ଅପରାହ୍ନରେ ସାଧା ଡ୍ରେସ ପିନ୍ଧି ପଦ୍ମକେଶରୀ ପୁର ଗାଁର ଝୁନୁଙ୍କ ଘରେ ପହଞ୍ଚି ଥିଲା । ଦୁଇ ପୁଡିଆ ବ୍ରାଉନସୁଗାର ମାଗିବାରୁ ଝୁନୁ ଏବଂ ତାଙ୍କ ସ୍ବାମୀ ପରିମଳ ଦାସ ଏକ ହଜାର ଟଙ୍କା ମାଗିଥିଲେ । ଏକ ହଜାର ଟଙ୍କା ସାଧା ପୋଷାକ ଧାରୀ ପୋଲିସ ଝୁନୁ ହାତକୁ ବଢାଇ ଦେଲା ପରେ ଝୁନୁ ଏବଂ ତାଙ୍କ ସ୍ବାମୀ ଦୁଇ ପୁଡିଆ ବ୍ରାଉନ ସୁଗାର ପୋଲିସ ହାତକୁ ବଢାଇ ଦେଇଥିଲେ । ସଙ୍ଗେସଙ୍ଗେ ପୁଲିସ୍ଘର ଭିତରେ ପସି ଝୁନୁ ରଖି ଥିବା ୪୦ ପୁଡିଆ ବ୍ରାଉନସୁଗରକୁ ଠାବ କରିବା ସହିତ ସେଗୁଡିକୁ ଜବତ କରିଛି। ତେବେ ସ୍ବାମୀ ପରିମଳ ଓ ଝୁନୁଙ୍କୁ ପୁଲିସ ଗିରଫ କରିଥିବା ବେଳେ ବ୍ରାଉନସୁଗାର ଏଜେଣ୍ଟ ନିଳାଦ୍ରୀବିହାରରେ ରହୁଥିବା (ନିଳ ) ନାମକ ଯୁବକକୁ ଧରିବା ପାଇଁ ଉଦ୍ୟମ ଚଳାଇଛି ।
About The Author
