ନୂଆଦିଲ୍ଲୀ : ବିଶ୍ବ ଟେନିସ୍‌ ଜଗତକୁ ଲାଗିଛି ବଡ଼ ଝଟକା। ବିଶ୍ବର ସର୍ବଶ୍ରେଷ୍ଠ ଟେନିସ୍ ଖେଳାଳି ରୋଜର ଫେଡେରର୍‌ ଆଜି ହଠାତ ଅବସର ଘୋଷଣା କରିଛନ୍ତି। ଆସନ୍ତା ସପ୍ତାହରେ ଲଣ୍ଡନରେ ହେବାକୁ ଥିବା ଲାଭର କପ୍ ପରେ ସେ ଟେନିସ୍ ପାଇଁ ସବୁଦିନ ପାଇଁ ବିଦାୟ ନେବେ । ଗୁରୁବାର ଦିନ ସେ ସୋସିଆଲ ମିଡିଆରେ ଏକ ପୋଷ୍ଟ କରି ଏହା ଘୋଷଣା କରିଛନ୍ତି। ଫେଡେରର୍‌ ହେଉଛନ୍ତି ବିଶ୍ୱର ତୃତୀୟ ସର୍ବାଧିକ ଗ୍ରାଣ୍ଡସ୍ଲାମ ବିଜେତା । ସେ ତାଙ୍କ କ୍ୟାରିୟରରେ ମୋଟ ୨୦ଗ୍ରାଣ୍ଡସ୍ଲାମ ଜିତିଛନ୍ତି। ଏଥିମଧ୍ୟରେ ୬ ଟି ଅଷ୍ଟ୍ରେଲିୟ ଓପନ୍, ଗୋଟିଏ ଫ୍ରେଞ୍ଚ ଓପନ୍, ଆଠଟି ୱିମ୍ବଲଡନ୍ ଏବଂ ପାଞ୍ଚଟି ୟୁଏସ୍ ଓପନ୍ ଟାଇଟଲ୍ ଅନ୍ତର୍ଭୁକ୍ତ ।

To my tennis family and beyond,

ଆହୁରି ପଢ଼ନ୍ତୁ: କାଳବୈଶାଖୀ ପ୍ରଭାବରେ ଟ୍ୱିନସିଟିର ବିଭିନ୍ନ ସ୍ଥାନରେ ଘଡ଼ଘଡ଼ି ସାଙ୍ଗକୁ କୁଆପଥର ବର୍ଷା

With Love,
Roger pic.twitter.com/1UISwK1NIN

ଆହୁରି ପଢ଼ନ୍ତୁ: ଆସନ୍ତା ୨୮ତାରିଖ ଯାଏଁ କାଳବୈଶାଖୀ ବର୍ଷା, ୮ ଜିଲ୍ଲାକୁ ୟେଲୋ ଓ୍ବାର୍ଣ୍ଣିଂ ଜାରି

— Roger Federer (@rogerfederer) September 15, 2022

ରୋଜର ଫେଡେରର୍‌ ସୋସିଆଲ ମିଡିଆରେ ପୋଷ୍ଟ କରିଥିବା ନୋଟ୍‌ରେ ଲେଖିଛନ୍ତି ‘ଟେନିସ୍‌ ମୋତେ ବର୍ଷ ବର୍ଷ ଧରି ଦେଇଥିବା ସମସ୍ତ ଉପହାର ମଧ୍ୟରେ ସବୁଠୁ ବଡ଼ ହେଉଛି ଏହି ରାସ୍ତାରେ ମୁଁ ସାକ୍ଷାତ କରିଥିବା ସମସ୍ତ ବ୍ୟକ୍ତି। ମୋର ବନ୍ଧୁ, ମୋର ପ୍ରତିଯୋଗୀ ଏବଂ ସମସ୍ତ ପ୍ରଶଂସକ ଯେଉଁମାନେ ଖେଳ ପାଇଁ ନିଜ ଜୀବନକୁ ଉତ୍ସର୍ଗ କରିଛନ୍ତି, ସେମାନେ ହିଁ ମୋ ଉପହାର। ଆଜି ମୁଁ ତୁମ ମାନଙ୍କ ସହିତ ଏହି ଖବର ସେୟାର କରୁଛି।’

ଏଥି ସହିତ ବିଶ୍ବର ତୃତୀୟ ସର୍ବାଧିକ ଗ୍ରାଣ୍ଡସ୍ଲାମ ବିଜେତା ଓ ସର୍ବଶ୍ରେଷ୍ଠ ଟେନିସ୍ ଖେଳାଳି ରୋଜର ଫେଡେରର୍‌ କହିଛନ୍ତି ଯେ ଆସନ୍ତା ସପ୍ତାହରେ ଲଣ୍ଡନରେ ହେବାକୁ ଥିବା ଲାଭର କପ୍ ତାଙ୍କର ଶେଷ ଏଟିପି ଟୁର୍ନାମେଣ୍ଟ ହେବ । ୨୩  ରୁ ୨୬ ସେପ୍ଟେମ୍ବର ପର୍ଯ୍ୟନ୍ତ ଲଣ୍ଡନରେ ଲାଭର କପ୍ ଖେଳାଯିବ ।  ଫେଡେରର ଗତ ତିନି ବର୍ଷ ଧରି ଟେନିସ୍ କୋର୍ଟରେ ପ୍ରତ୍ୟାବର୍ତ୍ତନ ପାଇଁ ପ୍ରୟାସ କରୁଛନ୍ତି। ଆଣ୍ଠୁ ଅସ୍ତ୍ରୋପଚାର ହେତୁ ସେ ସମ୍ପୂର୍ଣ୍ଣ ଫିଟ୍ ହୋଇପାରି ନାହାଁନ୍ତି। ଫେଡେରର ମଧ୍ୟ ତାଙ୍କ ସଂଗ୍ରାମର କାହାଣୀକୁ ନୋଟରେ କହିଛନ୍ତି।

❤️ pic.twitter.com/YxtVWrlXIF

— Roger Federer (@rogerfederer) September 15, 2022

ସେ ଲେଖିଛନ୍ତି- ମୋର ବୟସ ୪୧ ବର୍ଷ । ୨୪ ବର୍ଷ ଧରି କ୍ୟାରିଅରରେ ମୁଁ ୧୫୦୦ ରୁ ଅଧିକ ମ୍ୟାଚ୍ ଖେଳିଛି । ପୂର୍ବାପେକ୍ଷା ଟେନିସ୍ ମୋତେ ଅଧିକ ଉଦାର ବ୍ୟବହାର କରିଛି ଏବଂ ବର୍ତ୍ତମାନ ମୋର ପ୍ରତିଯୋଗିତାମୂଳକ କ୍ୟାରିୟର ଶେଷ କରିବାର ସମୟ ଆସିଛି। ଆସନ୍ତା ସପ୍ତାହରେ ଲଣ୍ଡନରେ ଲାଭର କପ୍ ମୋର ଶେଷ ଏଟିପି ଇଭେଣ୍ଟ ହେବ ।