ଆରମ୍ଭରୁ ଭାରତୀୟ ନିରାଶ

ଟୋକିଓ : ଯାହା ଆଶଙ୍କା କରାଯାଉଥିଲା ତାହା ସତ୍ୟରେ ପରିଣତ ହୋଇଛି। ବିଶ୍ୱରେ ସବୁ ପ୍ରତିଯୋଗିତାରେ ଭଲ ପ୍ରଦର୍ଶନ କରିଥିବା ଭାରତୀୟ ତୀରନ୍ଦାଜ ଅଲିମ୍ପିକ୍ସରେ ଖରାପ ଖେଳିବାର ଧାରା ପ୍ରଥମ ଦିନ ବଜାୟ ରଖିବାରେ ସମର୍ଥ ହୋଇଛନ୍ତି। ଶୁକ୍ରବାର ଅନୁଷ୍ଠିତ ବ୍ୟକ୍ତିଗତ Ñଙ୍କିଙ୍ଗ୍‍ ରାଉଣ୍ଡର ମହିଳା ବିଭାଗରେ ଦୀପିକା କୁମାରୀ ୯ମ ସ୍ଥାନରେ ରହିଛନ୍ତି। ସେ ୭୨୦ ପଏଣ୍ଟରୁ ୬୬୩ ପଏଣ୍ଟ ପାଇଛନ୍ତି। ଶୁକ୍ରବାର ହେବାକୁ ଥିବା ମହିଳା ରିକର୍ଭ ରାଉଣ୍ଡରେ ଦୀପିକାଙ୍କ ସହ ଭୂଟାନର ଭୁ କର୍ମା ମୁକାବିଲା କରିବେ। ଏଥିରେ ବିଜୟୀ ହେଲେ ପରବର୍ତ୍ତୀ ପର୍ଯ୍ୟାୟରେ ପଦକ ଦୌଡ଼ରେ ସାମିଲ ହୋଇପାରିବେ। ଏହି ମୁକାବିଲାର ପ୍ରାଥମିକ ପର୍ଯ୍ୟାୟରେ ଦକ୍ଷିଣ କୋରିଆର ୩ଜଣ ଓ ମେକ୍ସିକୋର ଜଣେ ପ୍ରତିଯୋଗୀ ଅଲିମ୍ପିକ୍‍ ରେକର୍ଡକୁ ଅତିକ୍ରମ କରିଛନ୍ତି। ଦୀପିକା ମହିଳା ବିଭାଗରେ ଓ ନବାଗତ ପ୍ରବୀଣ ଯାଦବ ପୁରୁଷ ବିଭାଗରେ ୯ମ ସ୍ଥାନ ଅଧିକାର କରିଛନ୍ତ।

ସିନିୟର ଖେଳାଳି ଅତନୁ ଦାସ ଓ ତରୁଣଦୀପ ରାୟ ଭଲ ପ୍ରଦର୍ଶନ ଦେବାରେ ଅସମର୍ଥ ହୋଇଛନ୍ତି। ଏହା ଫଳରେ ମିକ୍ସଡ ଇଭେଣ୍ଟରେ ଭାରତ ଅଂଶଗ୍ରହଣ କରିବାକୁ ଯୋଗ୍ୟତା ଅର୍ଜନ କରିଛି। ଦୀପିକାଙ୍କ ପାର୍ଟନର ପ୍ରବୀଣ ଅଲିମ୍ପିକ୍ସର ଗୋଟିଏ ଇଭେଣ୍ଟରେ ସ୍ୱାମୀ-ସ୍ତ୍ରୀ ଭାବେ ଅଂଶଗ୍ରହଣ କରି ଅତନୁ ଦାସ ଓ ଦୀପିକା କୁମାରୀ ରେକର୍ଡ କରିଥିଲେ ମଧ୍ୟ ତାହାକୁ ଖୁସିରେ ପରିଣତ କରିପାରି ନାହାନ୍ତି। ଶୁକ୍ରବାର ଇଣ୍ଡିଭିଜୁଆଲ Ñଙ୍କିଙ୍ଗ୍‍ରେ ଭଲ ପ୍ରଦର୍ଶନ କରିବା ଫଳରେ ଦୀପିକାଙ୍କ ସହ ପ୍ରବୀଣ ଯାଦବଙ୍କୁ ପାର୍ଟନର କରିବା ଲାଗି ତୀରନ୍ଦାଜୀ ମହାସଂଘ ସ୍ଥିର କରିଛି। ଏହା ଫଳରେ ଫ୍ରାନ୍ସରେ ନିକଟରେ ଅନୁଷ୍ଠିତ ବିଶ୍ୱକପ୍‍ ମିକ୍ସଡ ପେୟାର ଇଭେଣ୍ଟରେ ସ୍ୱର୍ଣ୍ଣପଦକ ଜିତିଥିବା ଅତନୁ ଓ ଦୀପିକା ନିରାଶ ହୋଇଛନ୍ତି। ଭାରତକୁ ଏହି ଇଭେଣ୍ଟରେ ପଦକ ଜିତିବାର ସମ୍ଭାବନା ଅଧିକ ରହିଛି। କିନ୍ତୁ ଫର୍ମକୁ ବିଚାରକୁ ନେଇ ଦୀପିକାଙ୍କ ସହ ପ୍ରବୀଣଙ୍କୁ ମିକ୍ସଡ ପେୟାର ଇଭେଣ୍ଟରେ ଅଂଶଗ୍ରହଣ କରିବାକୁ ମହାସଂଘ ସ୍ଥିର କରିଛି।