ଭାରତ-ଅଷ୍ଟ୍ରେଲିଆ ପ୍ରଥମ ଟି-୨୦: ଅଷ୍ଟ୍ରେଲିଆର ସହଜ ବିଜୟ

By The Sakala

Published On Sep 20, 2022 10:37 PM IST

ମୋହାଲି: ଆଜିଠୁ ଆରମ୍ଭ ହୋଇଛି ଭାରତ-ଅଷ୍ଟ୍ରେଲିଆ ଟି-୨୦ ସିରିଜ୍‌। ମୋହାଲି ପିସିଏ ଷ୍ଟାଡିୟମ୍‌ରେ ସିରିଜ୍‌ର ପ୍ରଥମ ମ୍ୟାଚ୍‌ ଖେଳାଯାଇଛି। ମୁକାବିଲାରେ ଟସ୍ ଜିତି ଅଷ୍ଟ୍ରେଲିଆ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଭାରତ ପ୍ରଥମେ ବ୍ଯାଟିଂ କରି ୨୦୮ ରନ କରିଥିଲା। ଅଷ୍ଟ୍ରେଲିଆ ଏହି ମ୍ଯାଚକୁ ୨୧୧ ରନ କରି ସହଜରେ ଜିତି ନେଇଛି। ଅଷ୍ଟ୍ରେଲିଆ ପକ୍ଷରୁ ଆରୋନ ଫିଞ୍ଚ ୧୩ ବଲରେ ୨୨ ରନ କରି ଆଉଟ ହୋଇଥିବା ବେଳ କ୍ୟାମେରୁନ ଗ୍ରୀନ ଏକ ବିସ୍ଫୋରକ […]

ମୋହାଲି: ଆଜିଠୁ ଆରମ୍ଭ ହୋଇଛି ଭାରତ-ଅଷ୍ଟ୍ରେଲିଆ ଟି-୨୦ ସିରିଜ୍‌। ମୋହାଲି ପିସିଏ ଷ୍ଟାଡିୟମ୍‌ରେ ସିରିଜ୍‌ର ପ୍ରଥମ ମ୍ୟାଚ୍‌ ଖେଳାଯାଇଛି। ମୁକାବିଲାରେ ଟସ୍ ଜିତି ଅଷ୍ଟ୍ରେଲିଆ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଭାରତ ପ୍ରଥମେ ବ୍ଯାଟିଂ କରି ୨୦୮ ରନ କରିଥିଲା। ଅଷ୍ଟ୍ରେଲିଆ ଏହି ମ୍ଯାଚକୁ ୨୧୧ ରନ କରି ସହଜରେ ଜିତି ନେଇଛି।

ଅଷ୍ଟ୍ରେଲିଆ ପକ୍ଷରୁ ଆରୋନ ଫିଞ୍ଚ ୧୩ ବଲରେ ୨୨ ରନ କରି ଆଉଟ ହୋଇଥିବା ବେଳ କ୍ୟାମେରୁନ ଗ୍ରୀନ ଏକ ବିସ୍ଫୋରକ ଇଂନିସ ଖେଳିଥିଲେ। କ୍ୟାମେରୁନ ୩୧ ବଲରେ ୬୧ ରନ କରିଥିଲ। ଷ୍ଟିଭ୍ ସ୍ମିଥ୍ ୨୪ ବଲରେ ୩୫ ରନ କରି ଆଉଟ ହୋଇଥିଲେ। ଗ୍ଲେନ ମ୍ୟାକ୍ସଓ୍ଵେଲ ୩ ବଲରେ ୧ ରନ କରି ଆଉଟ ହୋଇଥିଲେ। ଜୋସ ଇଙ୍ଗିଲ୍ସ ୧୦ ବଲରେ ୧୭ ରନ କରି ଆଉଟ ହୋଇଥିଲେ। ଏହା ପରେ ପାରିକୁ ଟିମ୍ ଡେଭିଡ୍ ଓ ମାଥ୍ୟୁ ଓ୍ଵାଦେ ପାରିକୁ ସମ୍ଭାଳିଥିଲେ। ପରେ ଟିମ୍ ଡେଭିଡ୍ ୧୪ ବଲରେ ୧୮ ରନ କରି ଆଉଟ ହୋଇଥିଲେ। ମାଥ୍ୟୁ ଓ୍ଵାଦେ ୨୧ ବଲରେ ୪୫ ରନ କରି ଅପରାଜିତ ରହିଥିବା ବେଳ ପାଟ୍ କମିନ୍ସ ୪ ରନ କରି ଅପରାଜିତ ରହିଥିଲେ।

ଭାରତ ପକ୍ଷରୁ ଅକ୍ଷର ପଟେଲ୍ ୩ଟି ୱିକେଟ ନେଇଥିବା ବେଳେ ଉମେଶ ଯାଦବ ୨ଟି ୱିକେଟ ନେଇଥିବା ବେଳେ ୟୁଜବେନ୍ଦ୍ର ଚହଲ ଗୋଟିଏ ୱିକେଟ ନେଇଥିଲେ।