ମନୋରଞ୍ଜନ
ଓଡ଼ିଶା
ଶେଷ ଦିନିକିଆରେ ବାଂଲାଦେଶକୁ ୪୧୦ ରନର ଟାର୍ଗେଟ ଦେଲା ଭାରତ
ଚଟ୍ଟୋଗ୍ରାମ: ଆଜି ଭାରତ-ବାଂଲାଦେଶ ମଧ୍ୟରେ ଶେଷ ତଥା ଅନ୍ତିମ ଦିନିକିଆ ମ୍ୟାଚ ଖେଳଯାଉଛି। ୩ ଟିକିଆ ସିରିଜର ଦୁଇଟି ମ୍ୟାଚରେ ପରାଜିତ ହୋଇ ସିରିଜ ହାରି ସାରିଛି ଭାରତ । ଆଜି ସମ୍ମାନ ବଞ୍ଚାଇବାକୁ ପଡ଼ିଆକୁ ଓହ୍ଲାଇଛି ଟିମ୍ ଇଣ୍ଡିଆ । ଟିମ୍ ଇଣ୍ଡିଆ ପ୍ରଥମେ ବ୍ୟାଟିଂ କରି ୮ ୱିକେଟ ହରାଇ ୪୦୯ ରନ କରିଛି। ଏହି ମ୍ୟାଚକୁ ଜିତିବାକୁ ହେଲେ ବାଂଲାଦେଶକୁ ୪୧୦ ରନର ଆବଶ୍ୟକତା ରହିଛି।
ଭାରତ ପକ୍ଷରୁ ଶିଖର ଧୱନ୍ ୮ ବଲରେ ୩ ରନ କରି ଆଉଟ ହୋଇଥିଲେ । ପରେ ପାରିକୁ ଈଶାନ୍ କିଷନ୍ ଓ ବିରାଟ କୋହଲି ସମ୍ଭାଳିଥିଲେ। ଈଶାନ୍ କିଷନ୍ ୧୩୧ ବଲରେ ୨୧୦ ରନ କରି ଆଉଟ ହୋଇଥିବା ବେଳେ ବିରାଟ କୋହ୍ଲି ୯୧ ବଲରେ ୧୧୩ ରନ କରି ଆଉଟ ହୋଇଥିଲେ। ପରେ ଶ୍ରେୟସ୍ ଆୟର୍ ୬ ବଲରେ ୩ ରନ କରି ଆଉଟ ହୋଇଥିଲେ। କେ. ଏଲ୍. ରାହୁଲ୍ ୧୦ ବଲରେ ୮ ରନ କରି ଆଉଟ ହୋଇଥିଲେ। ୱାସିଂଟନ୍ ସୁନ୍ଦର ୨୭ ବଲରେ ୩୭ କରି ଆଉଟ ହୋଇଥିଲେ। ଅକ୍ଷର ପଟେଲ୍ ୧୭ ବଲରେ ୨୦ ରନ କରି ଆଉଟ ହୋଇଥିଲେ। ପରେ ପାରିକୁ ଶାର୍ଦ୍ଦୁଳ ଠାକୁର ଓ କୁଳଦୀପ ଯାଦବ ଆଗକୁ ନେଇଥିଲେ। ପରେ ଶାର୍ଦ୍ଦୁଳ ଠାକୁର ୫ ବଲରେ ୩ ରନ କରି ଆଉଟ ହୋଇଥିଲେ।
ବାଂଲାଦେଶ ପକ୍ଷରୁ ତାସ୍କିନ୍ ଅହମଦ୍ , ଏବାଦତ୍ ହୋସେନ୍ ଓ ଶକିବ୍ ଅଲ୍ ହସନ୍ ୨ଟି ଲେଖାଏଁ ୱିକେଟ ନେଇଥିବା ବେଳ ମେହିଦୀ ହସନ୍ ମିର୍ଜା ଓ ମୁସ୍ତାଫିଜୁର୍ ରହମନ୍ ଗୋଟିଏ ଲେଖାଏଁ ୱିକେଟ ନେଇଥିଲେ।
About The Author
