ଆଇସିସି ବିଶ୍ୱକପ୍‌ ୨୦୨୩: ରୋହିତଙ୍କ ବିସ୍ଫୋରକ ଶତକୀୟ ଓ ବିରାଟଙ୍କ ଅର୍ଦ୍ଧଶତକୀୟ ଇଂନିସ, ଆଫଗାନିସ୍ତାନକୁ ୮ ୱିକେଟରେ ହରାଇଲା ଭାରତ

By The Sakala

Published On Oct 11, 2023 09:04 PM IST

ନୂଆଦିଲ୍ଳୀ: ଭାରତ ଓ ଆଫଗାନିସ୍ତାନ ମଧ୍ୟରେ ସ୍ଥାନୀୟ ଅରୁଣ ଜେଟଲୀ ଷ୍ଟାଡିୟମ୍‌‌ରେ ଚଳିତ ବିଶ୍ୱକପ୍‌‌ରେ ବୁଧବାର ଦ୍ୱିତୀୟ ଲିଗ୍‌‌ ମ୍ୟାଚ୍‌‌ ଖେଳଯାଇଥିଲା। ଆଫଗାନିସ୍ତାନ ପ୍ରଥମେ ବ୍ୟାଟିଂ କରି ୮ ୱିକେଟ ହରାଇ ୨୭୨ ରନ କରିଥିଲା। ଭାରତକୁ ଏହି ମ୍ୟାଚ ଜିତିବାକୁ ହେଲେ ୨୭୩ ରନର ଆବଶ୍ୟକତା ରହିଥିଲା। ଭାରତ ପକ୍ଷରୁ ଅଧିନାୟକ ରୋହିତ୍‌‌ ଶର୍ମା ଓ ଇଶାନ କିଶାନ ପଡିଆକୁ ଓହ୍ଲାଇଥିଲେ। ରୋହିତ୍‌‌ ଶର୍ମାଙ୍କ ବ୍ୟାଟରୁ ଆଜି ଏକ ବିସ୍ଫୋରକ ଇଂନିସ ଦେଖିବାକୁ ମିଳିଥିଲା। ଭାରତ […]

ନୂଆଦିଲ୍ଳୀ: ଭାରତ ଓ ଆଫଗାନିସ୍ତାନ ମଧ୍ୟରେ ସ୍ଥାନୀୟ ଅରୁଣ ଜେଟଲୀ ଷ୍ଟାଡିୟମ୍‌‌ରେ ଚଳିତ ବିଶ୍ୱକପ୍‌‌ରେ ବୁଧବାର ଦ୍ୱିତୀୟ ଲିଗ୍‌‌ ମ୍ୟାଚ୍‌‌ ଖେଳଯାଇଥିଲା। ଆଫଗାନିସ୍ତାନ ପ୍ରଥମେ ବ୍ୟାଟିଂ କରି ୮ ୱିକେଟ ହରାଇ ୨୭୨ ରନ କରିଥିଲା। ଭାରତକୁ ଏହି ମ୍ୟାଚ ଜିତିବାକୁ ହେଲେ ୨୭୩ ରନର ଆବଶ୍ୟକତା ରହିଥିଲା। ଭାରତ ପକ୍ଷରୁ ଅଧିନାୟକ ରୋହିତ୍‌‌ ଶର୍ମା ଓ ଇଶାନ କିଶାନ ପଡିଆକୁ ଓହ୍ଲାଇଥିଲେ। ରୋହିତ୍‌‌ ଶର୍ମାଙ୍କ ବ୍ୟାଟରୁ ଆଜି ଏକ ବିସ୍ଫୋରକ ଇଂନିସ ଦେଖିବାକୁ ମିଳିଥିଲା। ଭାରତ ୩୫ ଓଭରରେ ୨ ୱିକେଟ ହରାଇ ୨୭୩ ରନ କରି ମ୍ୟାଚକୁ ସହଜରେ ଜିତି ନେଇଛି।

ରୋହିତ୍‌‌ ଶର୍ମା ଏକ ଶତକୀୟ ଇଂନିସ ଖେଳିଥିଲେ। ୮୪ ବଲରେ ୧୩୧ ରନ କରି ଆଉଟ କରି ଆଉଟ ହୋଇଥିଲେ। ରୋହିତ୍‌‌ ଶର୍ମାଙ୍କ ଏହି ଶତକୀୟ ଇଂନିସରେ ୫ ଟି ଛକା ଓ ୧୬ଟି ଚୌକା ସାମିଲ ରହିଛି। ଇଶାନ କିଶାନ ୪୭ ବଲରେ ୪୭ ରନ କରି ଆଉଟ ହୋଇଥିଲେ। ପରେ ବିରାଟ କୋହଲି ଓ ଶ୍ରେୟସ ଆୟର ପାରିକୁ ସମ୍ଭାଳିଥିଲେ। ବିରାଟ କୋହଲି ମଧ୍ୟ ଏକ ଅର୍ଦ୍ଧଶତକୀୟ ଇଂନିସ ଖେଳିଥିଲେ। ବିରାଟ ୫୬ ବଲରେ ୫୫ ରନ କରି ଅପରାଜିତ ରହିଥିବା ବେଳେ ଶ୍ରେୟସ ଆୟର ୨୩ ବଲରେ ୨୫ ରନ କରି ଅପରାଜିତ ରହିଥିଲେ।

ଆଫଗାନିସ୍ତାନ ପକ୍ଷରୁ ବୋଲିଂରେ ରଶିଦ ଖାନ ୨ଟି ୱିକେଟ ନେଇଥିଲେ।