ପିଲାଙ୍କ ଇଣ୍ଟରନେଟ୍ ବ୍ୟବହାର ଉପରେ ସୁପ୍ରିମକୋର୍ଟଙ୍କ ଐତିହାସିକ ରାୟ: 'ଇଣ୍ଟରନେଟ୍ ପିଲାଙ୍କ ମୌଳିକ ଅଧିକାର'

ପିଲାମାନଙ୍କ ଇଣ୍ଟରନେଟ୍ ବ୍ୟବହାରକୁ ନେଇ ସୁପ୍ରିମକୋର୍ଟ ଏକ ବଡ଼ ଏବଂ ଐତିହାସିକ ନିଷ୍ପତ୍ତି ଶୁଣାଇଛନ୍ତି। ବୟସ ଆଧାରରେ ପିଲାମାନଙ୍କ ଇଣ୍ଟରନେଟ୍ ବ୍ୟବହାର ଉପରେ ସମ୍ପୂର୍ଣ୍ଣ ନିଷେଧାଦେଶ ଲଗାଇବା ଦାବିକୁ ସର୍ବୋଚ୍ଚ ନ୍ୟାୟାଳୟ ଖାରଜ କରିଦେଇଛନ୍ତି।

ଇଣ୍ଟରନେଟ୍ ବ୍ୟବହାର ମୌଳିକ ଅଧିକାର

**ସୁପ୍ରିମକୋର୍ଟ** ସ୍ପଷ୍ଟ ଭାବରେ କହିଛନ୍ତି ଯେ ଇଣ୍ଟରନେଟ୍ ବ୍ୟବହାର କରିବା ପିଲାମାନଙ୍କର ଏକ ମୌଳିକ ଅଧିକାର। କୋର୍ଟଙ୍କ ଟିପ୍ପଣୀ ଅନୁଯାୟୀ, ପିଲାମାନଙ୍କର ଅନଲାଇନ୍ ସୁରକ୍ଷା ଏବଂ ଇଣ୍ଟରନେଟ୍ ସ୍ୱାଧୀନତା ପରସ୍ପରର ବିରୋଧୀ ନୁହେଁ। ପିଲାମାନଙ୍କୁ ଇଣ୍ଟରନେଟ୍‌ରୁ ସମ୍ପୂର୍ଣ୍ଣ ବାଦ୍ ଦେବା ଏକ ଅନ୍ୟାୟ ପଦକ୍ଷେପ ହେବ। ବରଂ, ପିଲାମାନଙ୍କର ଅଧିକାରକୁ କ୍ଷୁର୍ଣ୍ଣ ନକରି ସେମାନଙ୍କୁ ସୁରକ୍ଷା ପ୍ରଦାନ କରିବା ପାଇଁ ଉପଯୁକ୍ତ ନିୟମ ଏବଂ ସୁରକ୍ଷା ବ୍ୟବସ୍ଥା ରହିବା ଆବଶ୍ୟକ।

କଠୋର କଟକଣାର ବିପରୀତ ପ୍ରଭାବ

ଅଦାଲତ ଚେତାବନୀ ଦେଇଛନ୍ତି ଯେ ପିଲାମାନଙ୍କ ଉପରେ କଠୋର ବୟସ-ଭିତ୍ତିକ କଟକଣା ଲଗାଇବା ଦ୍ୱାରା ଏହାର ଓଲଟା ପ୍ରଭାବ ପଡ଼ିପାରେ। ଏଭଳି କଟକଣା ପିଲାମାନଙ୍କୁ ଅନିୟନ୍ତ୍ରିତ ଏବଂ ଅଧିକ ବିପଜ୍ଜନକ ୱେବସାଇଟ୍ ଆଡ଼କୁ ଠେଲିଦେବାର ଆଶଙ୍କା ରହିଛି। ଏହାଛଡ଼ା, ଯଦି କୌଣସି ପିଲା ଅନଲାଇନ୍‌ରେ ଶୋଷଣ, ଧମକ କିମ୍ବା ଅନୁପଯୁକ୍ତ ଆଚରଣର ସମ୍ମୁଖୀନ ହୁଏ, ତେବେ କଟକଣା ଯୋଗୁଁ ଧରାପଡ଼ିବା କିମ୍ବା ଦଣ୍ଡିତ ହେବା ଭୟରେ ସେମାନେ ନିଜ ପିତାମାତାଙ୍କୁ ଏହି ବିଷୟରେ ଜଣାଇବାକୁ ସଂକୋଚ କରିପାରନ୍ତି।

ନୂଆ ନିୟମ ଏବଂ ସରକାରୀ ପଦକ୍ଷେପ

ଏହି ଗୁରୁତ୍ୱପୂର୍ଣ୍ଣ ପର୍ଯ୍ୟବେକ୍ଷଣ ଏପରି ଏକ ସମୟରେ ଆସିଛି, ଯେତେବେଳେ କେନ୍ଦ୍ର ସରକାର ସମ୍ପ୍ରତି ୧୮ ବର୍ଷରୁ କମ୍ ବୟସର ପିଲାମାନଙ୍କ ପାଇଁ ଆଇଟି ନିୟମାବଳୀରେ ପରିବର୍ତ୍ତନ ଘୋଷଣା କରିଛନ୍ତି। ଏହା ପୂର୍ବରୁ, ଆନ୍ଧ୍ରପ୍ରଦେଶ ସରକାରମଧ୍ୟ ୧୬ ବର୍ଷରୁ କମ୍ ବୟସର ପିଲାମାନଙ୍କ ପାଇଁ ସୋସିଆଲ ମିଡିଆ ବ୍ୟବହାରକୁ ନିଷେଧ କରିବାକୁ ବିଚାର କରୁଥିଲେ।