ମନୋରଞ୍ଜନ
ଚିନ୍ତା ବଢାଇଲା କରୋନାର ନୂଆ ଭାରିଆଣ୍ଟ XE, ଓମିକ୍ରନ ଠାରୁ ୧୦ଗୁଣ ଭୟଙ୍କର
ନୂଆଦିଲ୍ଲୀ: ଦେଶରେ କରୋନା ସଂକ୍ରମିତଙ୍କ ସଂଖ୍ଯା ହ୍ରାସ ପାଉଥିବାବେଳେ ପୁଣି ଏକ ନୂଆ ଭାରିଆଣ୍ଟା ଚିନ୍ତା ବଢାଇଛି। ବିଶେଷଜ୍ଞଙ୍କ କହିବା ଅନୁଯାୟୀ, କରୋନା ଭାଇରସ୍ର ନୂଆ ମ୍ୟୁଟେଣ୍ଟ ଭ୍ୟାରିଏଣ୍ଟ ଏକ୍ସଇ (XE) ସଂକ୍ରମଣ ଧୀରେ ଧୀରେ ବୃଦ୍ଧି ପାଉଛି। ଏହି ନୂଆ ଭ୍ୟାରିଏଣ୍ଟ ଓମିକ୍ରନ୍ର ସବ୍ ଭ୍ୟାରିଏଣ୍ଟ ବିଏ.୨ ତୁଳନାରେ ପାଖାପାଖି ୧୦ ଗୁଣ ଅଧିକ ସଂକ୍ରାମକ ହୋଇପାରେ।
ସେହିପରି ବିଶ୍ୱ ସ୍ୱାସ୍ଥ୍ୟ ସଂଗଠନ ମଧ୍ୟ ଏ ନେଇ ଚିନ୍ତା ବ୍ୟକ୍ତ କରିଛି। XE ଓମିକ୍ରନ୍ର ଦୁଇଟି ସବ୍ ଲିନେଜ୍ ବିଏ.୧ ଓ ବିଏ.୨ର ସବ ଭାରିଆଣ୍ଟ ମ୍ୟୁଟେସନ୍ ଦ୍ୱାରା ଗଠିତ |। ଡବ୍ଲ୍ୟୁଏଚ୍ଓର ରିପୋର୍ଟ ମୁତାବକ, ଯେବେ ଯାଏଁ ଏହାର ଟ୍ରାନ୍ସମିଶନ ରେଟ୍ ଓ ରୋଗର ଲକ୍ଷଣରେ ଆଖିଦୃଶିଆ ପରିବର୍ତ୍ତନ ନଜର ଆସିନାହିଁ, ସେତେବେଳ ପର୍ଯ୍ଯନ୍ତ ଓମିକ୍ରନ୍ ଭ୍ୟାରିଏଣ୍ଟ ସହ ହିଁ ଏହାକୁ ଯୋଡ଼ାଯିବ।
ସୂଚନା ଅନୁଯାୟୀ, ୟୁକେରେ ୬୦୦ରୁ ଊର୍ଦ୍ଧ୍ୱ XE ମାମଲା ସାମ୍ନାକୁ ଆସିସାରିଲାଣି। ଏଣୁ ଆଗକୁ ସ୍ଥିତି ଆହୁରି ସାଂଘାତିକ ହେବ ବୋଲି ବୈଜ୍ଞାନିକମାନେ ଆକଳନ କରିଛନ୍ତି।
About The Author
