ମନୋରଞ୍ଜନ
ଓଡ଼ିଶା
ୟୁକ୍ରେନର ଦାବି: ଋଷର ୫୦ ସୈନିକଙ୍କୁ ମାରିବା ସହ ୬ଟି ଯୁଦ୍ଧ ବିମାନକୁ ଆକାଶପଥରେ ଧ୍ୱଂସ କରିଦେଇଛୁ
ମସ୍କୋ: ଆରମ୍ଭ ହୋଇଯାଇଛି ରୁଷ-ୟୁକ୍ରେନ ମଧ୍ୟରେ ଘମାଘୋଟ ଯୁଦ୍ଧ । ଋଷର ଲଗାତାର ମିସାଇଲ ଆକ୍ରମଣରେ ୟୁକ୍ରେନରେ ଖେଳିଯାଇଛି ଭୟର ମାହୋଲ । ରୁଷ ସେନା ୟୁକ୍ରେନ ଉପରେ ବୋମା ବର୍ଷଣ କରିବା ସହ କ୍ଷେପଣାସ୍ତ୍ର ମାଡ଼ ଜାରି ରଖିଛନ୍ତି | ଲୋକମାନେ ଜୀବନ ବଞ୍ଚାଇବା ପାଇଁ ସୁରକ୍ଷିତ ସ୍ଥାନ ଖୋଜୁଛନ୍ତି । ଆଉ ଏସବୁ ଭିତରେ ୟୁକ୍ରେନ ଦାବି କରିଛି ଯେ ଏହାର ପାଲଟା କାର୍ଯ୍ୟାନୁଷ୍ଠାନରେ ରୁଷର ୫୦ ଜଣ ସୈନିକ ମରିଛନ୍ତି। ୟୁକ୍ରେନ ଦାବି କରିଛି ଯେ ୟୁକ୍ରେନ ସୈନ୍ୟବାହିନୀର ଜବାବୀ ହମଲାରେ ଏପର୍ଯ୍ୟନ୍ତ ରୁଷର ୫୦ ସୈନ୍ୟ ନିହତ ହୋଇଛନ୍ତି ଏବଂ ପୂର୍ବ ପାର୍ଶ୍ୱରେ ୬ଟି ଯୁଦ୍ଧ ଜାହାଜ ଧ୍ୱଂସ ହୋଇଛି ।
ଅନ୍ୟପକ୍ଷରେ, ସୁରକ୍ଷା କ୍ୟାମେରା ଫୁଟେଜରେ ରୁଷର ସାମରିକ ଯାନ କ୍ରିମିଆ ପଟରୁ ୟୁକ୍ରେନକୁ ପ୍ରବେଶ କରୁଥିବା ଦେଖାଯାଇଛି। ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଯୁଦ୍ଧ ଘୋଷଣା ପରେ ଗୁରୁବାର ଦିନ ରୁଷର ସୈନ୍ୟବାହିନୀ ୟୁକ୍ରେନ ବିରୋଧରେ ସାମରିକ ଅପରେସନ ଆରମ୍ଭ କରିଛି। ରୁଷର ଏହି ପଦକ୍ଷେପକୁ ଆନ୍ତର୍ଜାତୀୟ ସ୍ତରରେ ନିନ୍ଦା କରାଯାଉଛି।
ଅନ୍ୟପଟେ ପୁଟିନ ଅନ୍ୟ ଦେଶମାନଙ୍କୁ ମଧ୍ୟ ଚେତାବନୀ ଦେଇଛନ୍ତି ଯେ ରଷର କାର୍ଯ୍ୟରେ ହସ୍ତକ୍ଷେପ କରିବାକୁ ପ୍ରୟାସ କଲେ ପରିଣାମ ଏପରି ହେବ ଯାହା ସେମାନେ ପୂର୍ବରୁ କେବେ ଦେଖି ନଥିବେ।
About The Author
