ମନୋରଞ୍ଜନ
ଓଡ଼ିଶା
ଆମେରିକା ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
23 ସେପ୍ଟେମ୍ବରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆମେରିକା ଗସ୍ତ, ଜୋ ବିଡେନ ରାଷ୍ଟ୍ରପତି ହେବା ପରଠାରୁ ପ୍ରଥମ ଥର ପାଇଁ ଫେସ୍ ଟୁ ଫେସ୍ ଆଲୋଚନା କରିବେ ମୋଦି-ବାଇଡେନ୍ । କ୍ୱାଡ ସମ୍ମିଳନୀରେ ଯୋଗଦେବା ପାଇଁ ମୋଦି ୱାଶିଂଟନ ଯାଉଛନ୍ତି, ଯେଉଁଠାରେ ସେ ବିଡେନ, ଅଷ୍ଟ୍ରେଲିଆର ସ୍କଟ ମୋରିସନ୍ ଏବଂ ଜାପାନ ପ୍ରଧାନମନ୍ତ୍ରୀ ୟୋସିହିଡେ ସୁଗାଙ୍କ ସହ ଦ୍ୱିପାକ୍ଷିକ ଆଲୋଚନା ହେବ । ଏହି ଅବସରରେ ଉଠିବ ଆତଙ୍କବାଦ, ଜଳବାୟୁ ଓ ବାଣିଜ୍ୟ କାରବାର ପ୍ରସଙ୍ଗ । ସେହିଭଳି ଭାରତ ଓ ଆମେରିକା ମଧ୍ୟରେ ଦ୍ୱିପାକ୍ଷିକ ଆଲୋଚନା ହେବ ।
ସେପ୍ଟେମ୍ବର ୨୪ରେ ୱାଶିଂଟନରେ ବାଇଡେନଙ୍କୁ ଭେଟିବେ ମୋଦି । ଏହା ପୂର୍ବରୁ ୨୩ ତାରିଖରେ ଜାପାନ ଏବଂ ଅଷ୍ଟ୍ରେଲିଆର ପ୍ରଧାନମନ୍ତ୍ରୀଙ୍କୁ ଭେଟିବେ ପ୍ରଧାନମନ୍ତ୍ରୀ । ସେହି ଦିନ ଆମେରିକାର ଉପରାଷ୍ଟ୍ରପତି କମଲା ହାରିଶଙ୍କୁ ମଧ୍ୟ ଭେଟିବେ । ୨୫ ତାରିଖରେ ୱାଶିଂଟନ୍ରେ କିଛି କାର୍ଯ୍ୟକ୍ରମରେ ସାମିଲ ହେବେ । ପରେ ନ୍ୟୁୟର୍କ ଗସ୍ତ କରିବେ ପ୍ରଧାନମନ୍ତ୍ରୀ । ଆମେରିକାରେ ଆୟୋଜିତ ହେବାକୁ ଥିବା କ୍ୱାଡ ସମ୍ମିଳନୀରେ ଭାରତ ସହ ଜାପାନ, ଅଷ୍ଟ୍ରେଲିଆ ଓ ଆମେରିକା ସାମିଲ ହେବେ । ଏଣୁ ପ୍ରଧାନମନ୍ତ୍ରୀଙ୍କ ଆମେରିକା ଗସ୍ତ ଅନେକ ଗୁରୁତ୍ୱ ବହନ କରୁଛି ।
About The Author
