ମନୋରଞ୍ଜନ
ଓଡ଼ିଶା
20 Dec 2023
By The Sakala
ଦୁଇ କ୍ରୀଡ଼ାବିତ ପାଇବେ ଖେଳରତ୍ନ ପୁରସ୍କାର, ମହମ୍ମଦ ଶାମିଙ୍କ ସମେତ ୨୬ ଖେଳାଳିଙ୍କୁ ମିଳିବ ଅର୍ଜ୍ଜୁନ ପୁରସ୍କାର
ନୂଆଦିଲ୍ଲୀ: ରାଷ୍ଟ୍ରୀୟ ଖେଳ ପୁରସ୍କାର ୨୦୨୩ ପାଇଁ ଖେଳାଳିଙ୍କ ନାଁ ଘୋଷଣା ହୋଇଛି । ଭାରତୀୟ ଟିମ୍ର ଷ୍ଟାର ବୋଲର ମହମ୍ମଦ ଶାମିଙ୍କ ସମେତ ମୋଟ ୨୬ ଖେଳାଳିଙ୍କୁ ଅର୍ଜ୍ଜୁନ ପୁରସ୍କାର ମିଳିବ । ଅନ୍ୟପଟେ ପୁରୁଷ ଡବଲ୍ସ ବ୍ୟାଡମିଣ୍ଟନ ଷ୍ଟାର ସାତ୍ତ୍ୱିକ ସାଇରାଜ ରଙ୍କିରେଡ୍ଡୀ ଓ ଚିରାଗ ସେଟ୍ଟୀଙ୍କ ଯୋଡିକୁ ମେଜର ଧ୍ୟାନଚନ୍ଦ ଖେଳ ରତ୍ନ ସମ୍ମାନ ମିଳିବ । ଆସନ୍ତା ଜାନୁଆରୀ ୯ରେ ଏହି ସମ୍ମାନ ପ୍ରଦାନ କରାଯିବ । ରାଷ୍ଟ୍ରପତି ଭବନରେ ଏକ ସମାରୋହରେ ସମସ୍ତ ଖେଳାଳି ରାଷ୍ଟ୍ରପତିଙ୍କ ହାତକୁ ସମ୍ମାନ ଗ୍ରହଣ କରିବେ । ବ୍ୟାଡମିଣ୍ଟନ କୋର୍ଟରେ କମାଲ କରିଥିବା ସାତ୍ତ୍ୱିକ ସାଇରାଜ ରଙ୍କିରେଡ୍ଡୀ ଓ ଚିରାଗ ସେଟ୍ଟୀଙ୍କୁ ଖେଳ ରତ୍ନ ଦିଆଯିବ । ମେଜର ଧ୍ୟାନଚାନ୍ଦ ଖେଳ ରତ୍ନ ଭାରତର ସର୍ବୋଚ୍ଚ ଖେଳ ସମ୍ମାନ ଅଟେ । କେନ୍ଦ୍ର ସରକାର ଯୁବ ଓ ଖେଳ ମନ୍ତ୍ରାଳୟ ଦ୍ୱାରା ପ୍ରତିବର୍ଷ ଏହି ସମ୍ମାନ ଦିଆଯାଇଥାଏ ।
https://www.thesakala.in/national-international/national-sports-awards-2023-dhyan-chand-khel-ratna-for-chirag-shetty-md-shami-to-get-arjuna-awar/article-28432
About The Author
