ମନୋରଞ୍ଜନ
16 Aug 2022
By The Sakala
ଭାରସାମ୍ଯ ହରାଇ ଘରେ ପଶିଲା ଟ୍ରକ: ୪ମୃତ, ୫ ଗୁରୁତର
ମୈନପୁରୀ: ଉତ୍ତରପ୍ରଦେଶର ମୈନପୁରୀରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ନିୟନ୍ତ୍ରଣ ହରାଇ ସଡ଼କ ନିକଟରେ ଥିବା ଘରେ ପଶିଗଲା ଟ୍ରକ୍ । ଫଳରେ ୪ ଜଣଙ୍କର ମୃତ୍ଯୁ ଘଟିଛି। ଏହି ଦୁର୍ଘଟଣାରେ ୫ ଜଣ ଗୁରୁତର ହୋଇଥିବା ଜଣାପଡ଼ିଛି।
ମେନପୁରୀ ଏସପି କମଲେଶ ଦୀକ୍ଷିତଙ୍କ ସୂଚନା ଅନୁଯାୟୀ, ଏକ ଦ୍ରୁତ ଗତିରେ ଆସୁଥିବା ଟ୍ରକ ନିୟନ୍ତ୍ରଣ ହରାଇ ଏକ ଘରେ ପଶିଯାଇଥିଲା । ଘରେ ସେହି ସମୟରେ ଜଣେ ଅବସରପ୍ରାପ୍ତ ପୁଲିସ ଅଧିକାରୀ ଓ ତାଙ୍କ ପତ୍ନୀ ଥିଲେ । ଉଭୟ ଶୋଇଥିବା ବେଳେ ସେମାନଙ୍କ ଉପରେ ଟ୍ରକ୍ ମାଡି ଯାଇଥିଲା । ଫଳରେ ଉଭୟଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା । ଏତତ୍ ବ୍ୟତୀତ ଟ୍ରକରେ ଥିବା ଦୁଇ ଜଣ ପ୍ରାଣ ହରାଇଛନ୍ତି । ଏହି ଘଟଣାରେ ୫ ଜଣ ଗୁରୁତର ହୋଇଛନ୍ତି । ତେବେ କେଉଁ କାରଣରୁ ଏହି ଦୁର୍ଘଟଣା ଘଟିଛି। ତାହା ଜଣାପଡି ନାହିଁ । ମୈନପୁରୀ ଏସପି କମଲେଶ ଦୀକ୍ଷିତ ଏହି ଘଟଣାରେ ତଦନ୍ତ ଆରମ୍ଭ କରିଛନ୍ତି ।
https://www.thesakala.in/national-international/mainpuri-up-road-accident-news-4-dead-and-5-injured-after-a-truck-rammed-into-a-house/article-14167
About The Author
