ସିସୋଦିଆ ଓ ସତୈନ୍ଦ୍ର ଜୈନଙ୍କ ଗିରଫଦାରୀକୁ ବିରୋଧ କରି ଘର ଘର ବୁଲି ପ୍ରଚାର କରିବ ଆପ୍

ନୂଆଦିଲ୍ଲୀ: ମନୀଷ ସିସୋଦିଆ ଓ ସତୈନ୍ଦ୍ର ଜୈନ୍‌ଙ୍କ ଗିରଫଦାରୀକୁ ବିରୋଧ କରି ଘର ଘର ବୁଲି ପ୍ରଚାର କରିବାକୁ ସବୁ ବିଧାୟକ ଓ ସାଂସଦଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ୍। ଦୁଇ ମନ୍ତ୍ରୀ ଦୁର୍ନୀତି ଅଭିଯୋଗରେ ଗିରଫ ହେବା ପରେ ଆଜି ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ୍। କୌଣସି ଦୁର୍ନୀତି ହୋଇ ନାହିଁ ଭଲ କାମକୁ ରୋକିବା ପାଇଁ ମନ୍ତ୍ରୀ ଦ୍ୱୟଙ୍କୁ ଜେଲ୍‌ରେ ଭର୍ତ୍ତି କରାଯାଇଛି ବୋଲି କେଜରିୱାଲ୍ ସାମ୍ବାଦିକଙ୍କୁ ପ୍ରତିକ୍ରିୟା ଦେଇ କହିଛନ୍ତି।

हमारे मंत्रियों को झूठे केस में गिरफ़्तार करके ये दिल्ली के काम रोकना चाहते हैं। मैं दिल्ली वालों को भरोसा दिलाना चाहता हूँ कि दिल्ली के काम बिल्कुल नहीं रुकेंगे। https://t.co/0jLkjvHBIe

ଆହୁରି ପଢ଼ନ୍ତୁ: ଶ୍ରୀନଗର ବିମାନବନ୍ଦରରେ ଅଘଟଣ: ପାର୍କିଂ ବେଳେ ଖୁଣ୍ଟରେ ପିଟି ହେଲା ଇଣ୍ଡିଗୋ ବିମାନ, ସମସ୍ତ ଯାତ୍ରୀ ସୁରକ୍ଷିତ

— Arvind Kejriwal (@ArvindKejriwal) March 1, 2023

ଆହୁରି ପଢ଼ନ୍ତୁ: କେନ୍ଦ୍ର ସରକାରଙ୍କୁ ସୋନମ ୱାଙ୍ଗଚୁକଙ୍କ ଅଲ୍ଟିମେଟମ୍: 'ଲଦାଖ ବିଲ୍' ପାଇଁ ଦେଲେ ଏକ ବର୍ଷର ମହଲତ

ତାଙ୍କର ଉଦ୍ଦେଶ୍ୟ ଦୁର୍ନୀତି ରୋକିବା ନୁହେଁ ବରଂ ଦିଲ୍ଲୀ ସରକାର କରୁଥିବା ବିକାଶମୁଳକା କାମକୁ ରୋକିବା ବୋଲି ଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ୍ କହିଛନ୍ତି। ଏ ନେଇ ମାର୍ଚ୍ଚ ୫ରୁ ଆମ୍ଭ ହେବ ବିଶାଳ ବିକ୍ଷୋଭ ଅଭିଯାନ। ଏଥିରେ ଆପ୍‌ ବିଧାୟକ, ଏମସିଡି କାଉନସିଲର ଓ ନେତାମାନେ ଦିଲ୍ଲୀରେ ରହୁଥିବା ଲୋକଙ୍କ ଦ୍ୱାର ଦ୍ୱାର ବୁଲିବେ। ଏହି ସମୟରେ ସେମାନେ ମନୀଷ ସିସୋଦିଆ ଓ ସତ୍ୟେନ୍ଦ୍ର ଜୈନଙ୍କ ଗିରଫଦାରୀ ପଛରେ ଥିବା ଷଡ଼ଯନ୍ତ୍ର ସମ୍ପର୍କରେ ଲୋକମାନଙ୍କୁ ବୁଝାଇବେ। ଏଥିସହ ବିଜେପି ନେତୃତ୍ୱାଧୀନ କେନ୍ଦ୍ର ସରକାର ଦିଲ୍ଲୀର ସ୍ୱାସ୍ଥ୍ୟ ଓ ଶିକ୍ଷା ମଡେଲର ସଫଳତାରେ ଅତିଷ୍ଠ ହୋଇ କେମିତି ସିସୋଦିଆ ଓ ଜୈନଙ୍କୁ ଗିରଫ କରିଛନ୍ତି, ସେକଥା ଲୋକଙ୍କୁ ବୁଝାଇବେ ବୋଲି କେଜ୍ରିୱାଲ ପରାମର୍ଶ ଦେଇଛନ୍ତି।