ନେପାଳରେ ପୁଣି ବିମାନ ଦୁର୍ଘଟଣା, ୫ ମୃତ

By The Sakala

Published On Aug 07, 2024 10:01 PM IST

କାଠମାଣ୍ଡୁ: ନେପାଳର ରାଜଧାନୀ କାଠମାଣ୍ଡୁ ଠାରୁ ଅଳ୍ପ ଦୂରରେ ଥିବା ନୁଆକୋଟସ୍ଥିତ ଶିବପୁରୀ ଜାତୀୟ ଉଦ୍ୟାନରେ ଆଜି ଏକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ଚାଇନାର ଚାରିଜଣ ପର୍ଯ୍ୟଟକଙ୍କ ସମେତ ମୋଟ ପାଞ୍ଚ ଜଣଙ୍କର ମୃତ୍ୟୁ ଘଟିଛି। ନେପାଳ ପୁଲିସ କହିଛି ଯେ, ହେଲିକପ୍ଟରରେ ଚାଇନାର ଚାରିଜଣ ନାଗରିକଙ୍କ ସମେତ ମୋଟ ପାଞ୍ଚ ଜଣ ଲୋକ ଥିଲେ। ଏଥିସହିତ ତ୍ରିବୁଭନ ଅନ୍ତର୍ଜାତୀୟ ବିମାନବନ୍ଦର ମୁଖପାତ୍ର ସୁଭାଷ ଝା କହିଛନ୍ତି ଯେ ଏୟାର ଡାଇନେଷ୍ଟିର ୯ଏନ-ଏଜେଡି ହେଲିକପ୍ଟର […]

କାଠମାଣ୍ଡୁ: ନେପାଳର ରାଜଧାନୀ କାଠମାଣ୍ଡୁ ଠାରୁ ଅଳ୍ପ ଦୂରରେ ଥିବା ନୁଆକୋଟସ୍ଥିତ ଶିବପୁରୀ ଜାତୀୟ ଉଦ୍ୟାନରେ ଆଜି ଏକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ଚାଇନାର ଚାରିଜଣ ପର୍ଯ୍ୟଟକଙ୍କ ସମେତ ମୋଟ ପାଞ୍ଚ ଜଣଙ୍କର ମୃତ୍ୟୁ ଘଟିଛି।

ନେପାଳ ପୁଲିସ କହିଛି ଯେ, ହେଲିକପ୍ଟରରେ ଚାଇନାର ଚାରିଜଣ ନାଗରିକଙ୍କ ସମେତ ମୋଟ ପାଞ୍ଚ ଜଣ ଲୋକ ଥିଲେ। ଏଥିସହିତ ତ୍ରିବୁଭନ ଅନ୍ତର୍ଜାତୀୟ ବିମାନବନ୍ଦର ମୁଖପାତ୍ର ସୁଭାଷ ଝା କହିଛନ୍ତି ଯେ ଏୟାର ଡାଇନେଷ୍ଟିର ୯ଏନ-ଏଜେଡି ହେଲିକପ୍ଟର କାଠମାଣ୍ଡୁରୁ ରାସୁୱା ଅଭିମୁଖେ ଦିନ ୧:୫୪ ରେ ଉଡ଼ାଣ କରିଥିଲା । ତେବେ ଏହା ଗନ୍ତବ୍ୟ ସ୍ଥଳରେ ପହଞ୍ଚିବା ପୂର୍ବରୁ ଦୁର୍ଘଟଣାଗ୍ରସ୍ତ ହୋଇଯାଇଥିଲା।

ଖବର ଅନୁଯାୟୀ, କିଛିଦିନ ତଳେ ନେପାଳର କାଠମାଣ୍ଡୁସ୍ଥିତ ତ୍ରିଭୁବନ ଅନ୍ତର୍ଜାତୀୟ ବିମାନବନ୍ଦରରେ ସୌର୍ଯ୍ୟ ଏୟାରଲାଇନ୍ସର ଏକ ବିମାନ ଉଡ଼ାଣ ସମୟରେ ଦୁର୍ଘଟଣାଗ୍ରସ୍ତ ହେବାରୁ ୧୮ ଜଣଙ୍କର ମୃତ୍ୟୁ ଘଟିଥିଲା ।