ଗୁଜୁରାଟ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ବିଜୟ ରୂପାଣୀ

ଅହମ୍ମଦାବାଦ: ଗୁଜୁରାଟର ମୁଖ୍ୟମନ୍ତ୍ରୀ ବିଜୟ ରୂପାନି ନିଜ ପଦରୁ ଇସ୍ତଫା ଦେଇଛନ୍ତି। ଗୁଜରାଟ ମୁଖ୍ୟମନ୍ତ୍ରୀ ବିଜୟ ରୁପାଣୀ ଶନିବାର ନିଜ ପଦରୁ ଇସ୍ତଫା ଦେଇଛନ୍ତି । ଖବର ମୁତାବିକ , ରୁପାଣୀ ଦ୍ୱିପ୍ରହର ପାଖାପାଖି ୩ଟାରେ ରାଜ୍ୟପାଳକୁ ଭେଟିବାକୁ ରାଜଭବନକୁ ଯାଇଥିଲେ ଏବଂ ଏହାପରେ ତାଙ୍କର ଇସ୍ତଫା ଦେଇଥିବା କଥା ଜଣା ପଡ଼ିଥିଲା ।

ସେ କହିଛନ୍ତି ଯେ ଦଳର ଦାୟିତ୍ବ ସମୟ ସହିତ ବଦଳୁଛି। ପାର୍ଟିରେ ଏହା ଏକ ପ୍ରାକୃତିକ ପ୍ରକ୍ରିୟା | ମୁଁ ୫ ବର୍ଷ ପାଇଁ ମୁଖ୍ୟମନ୍ତ୍ରୀଙ୍କ ଦାୟିତ୍ ତୁଲାଇଲି । ଏହା ଏକ ବଡ କଥା | ବର୍ତ୍ତମାନ ମୋତେ ଯେକୌଣସି ଦାୟିତ୍ବ ଦିଆଯିବ, ମୁଁ ଏହାକୁ ଗ୍ରହଣ କରିବି ବୋଲି ରୂପାନି‌ କହିଛନ୍ତି।

ଉଲ୍ଲେଖଯୋଗ୍ୟ ଯେ ରୂପାନି ୨୬ ଡିସେମ୍ବର ୨୦୧୭ରେ ଦ୍ୱିତୀୟ ଥର ପାଇଁ ଗୁଜୁରାଟର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ଗୁଜୁରାଟରେ ବିଜେପି ୧୮୨ଟି ଆସନ ମଧ୍ୟରୁ ୯୯ଟି ଜିତି ବହୁମତ ହାସଲ କରିଥିଲା। ଦଳୀୟ ବିଧାୟକ ବୈଠକରେ ରୁପାନି ନେତା ତଥା ନିତିନ ପଟେଲ ଉପନେତା ଭାବରେ ନିର୍ବାଚିତ ହୋଇଥିଲେ।

ଗତ କିଛି ଦିନ ହେବ ଗୁଜୁରାଟ ସରକାରରେ ନେତୃତ୍ୱ ପରିବର୍ତ୍ତନକୁ ନେଇ କଳ୍ପନାଜଳ୍ପନା ଚାଲିଥିଲା। କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଗୁରୁବାର ରାତି ପ୍ରାୟ ୮ଟା ସମୟରେ ହଠାତ୍ ଅହମ୍ମଦାବାଦରେ ପହଞ୍ଚିଥିଲେ। ଗୁଜୁରାଟ ଗସ୍ତ ପାଇଁ କୌଣସି ନିର୍ଦ୍ଦିଷ୍ଟ କାର୍ଯ୍ୟସୂଚୀ ନଥିଲା। ବିମାନବନ୍ଦରରେ ଅମିତ ଶାହାଙ୍କୁ ସ୍ୱାଗତ କରିବା ପାଇଁ ରାଜ୍ୟ ଗୃହମନ୍ତ୍ରୀ ପ୍ରଦୀପ ସିଂ ଜାଡେଜା, ମେୟର କିରୀଟ ପରମାର ଏବଂ ଷ୍ଟାଣ୍ଡିଂ କମିଟି ଅଧ୍ୟକ୍ଷ ହିତେଶ ବାରୋଟ୍ ପହଞ୍ଚିଥିଲେ।