ମନୋରଞ୍ଜନ
28 Feb 2023
By The Sakala
୧୨୨ ବର୍ଷର ରେକର୍ଡ ଭାଙ୍ଗିଲା ଫେବୃଆରୀର ଗରମ, ଅସହ୍ୟ ହେବ ଚଳିତ ବର୍ଷର ତାତି
ନୂଆଦିଲ୍ଲୀ: ଗତ ୧୨୨ ବର୍ଷରେ ଚଳିତ ବର୍ଷର ଫେବ୍ରୁଆରୀ ସବୁଠୁ ଗରମ ରହିଥିଲା । ଏ ନେଇ ଭାରତୀୟ ପାଣିପାଗ ବିଭାଗ ଏକ ରିପୋର୍ଟ ଜାରି କରିଛି। ଏହି ସମୟରେ ଦିନର ହାରାହାରି ତାପମାତ୍ରା ସାମାନ୍ୟ ଠାରୁ ୧.୭୩ ଡିଗ୍ରୀ ଅଧିକ ରହିଥିଲା । ବିଭାଗ ରିପୋର୍ଟ ଅନୁଯାୟୀ, ଏହା ପୂର୍ବରୁ ୧୯୦୧ ମସିହାରେ ଫେବ୍ରୁଆରୀରେ ହାରାହାରି ତାପମାତ୍ରା ସାମାନ୍ୟଠାରୁ ୦.୮୧ ଡିଗ୍ରୀ ଅଧିକ ରହିଥିଲା ।
ଆଇଏମଡି ପକ୍ଷରୁ କୁହାଯାଇଛି ଯେ, ଚଳିତ ଥର ଗରମ ଅଧିକ ଅସହ୍ୟ କରାଇବ। ପାଣିପାଗ ବିଭାଗ ଅନୁସାରେ ଉତ୍ତର ପୂର୍ବ, ପୂର୍ବ ଏବଂ ମଧ୍ୟ ଭାରତ ସହ ଉତ୍ତର-ପଶ୍ଚିମ ଭାରତ ବିଭିନ୍ନ ସ୍ଥାନରେ ମାର୍ଚ୍ଚରୁ ମଇ ମାସ ଯାଏ ତାପମାତ୍ରା ହାରାହାରି ଠାରୁ ବହୁ ଅଧିକ ରହିବ । ଏହାସହ ଆସନ୍ତା ତିନି ମାସରେ ମଧ୍ୟ ଭାରତ ବିଭିନ୍ନ ସ୍ଥାନରେ ଏବଂ ଉତ୍ତର ପଶ୍ଚିମ ଭାରତରେ ହିଟ୍ ୱେଭର ପ୍ରକୋପ ଦେଖିବାକୁ ମିଳିବ ।
https://www.thesakala.in/national-international/february-was-warmest-in-122-years/article-19405
About The Author
