ମୁମ୍ବଇ : ମୁମ୍ବଇ ଡ୍ରଗ୍ସ ମାମଲାରେ ଏନସିବି ଅଧିକାରୀ ସମୀର ୱାଙ୍ଖଡେଙ୍କ ସମେତ ବିଜେପି ନେତା, ମନ୍ତ୍ରୀଙ୍କୁ ଟାର୍ଗେଟ କରୁଥିବା ମହାରାଷ୍ଟ୍ରର ଗୃହମନ୍ତ୍ରୀ ନବାବ ମଲ୍ଲିକଙ୍କୁ ପାଲଟା ଟାର୍ଗେଟ କରିଛି ବିଜେପି । ବରିଷ୍ଠ ବିଜେପି ନେତା ତଥା ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀସ ନବାବଙ୍କର ଅଣ୍ଡରୱାର୍ଲ୍ଡ ସହ ରହିଛି ପ୍ରତ୍ୟକ୍ଷ ସମ୍ପର୍କ ଥିବା କହିଛନ୍ତି। ମଙ୍ଗଳବାର ଦିନ ଏକ ସାମ୍ବାଦିକ ସମ୍ମିଳନୀ କରିବାବେଳେ ସେ କହିଛନ୍ତି ଯେ ନବାବ ମଲିକ ଅଣ୍ଡରୱାର୍ଲ୍ଡ ସହିତ ସିଧାସଳଖ ଜଡିତ। ମୁମ୍ବାଇରେ ତାଙ୍କ ଏବଂ ତାଙ୍କ ସମ୍ପର୍କୀୟମାନେ କିଣିଥିବା ପାଞ୍ଚଟି ଜମି ମଧ୍ୟରୁ ଚାରିଟି ଅଣ୍ଡରୱାର୍ଲ୍ଡ ଠାରୁ ଶାଗମାଛ ଦରରେ କିଣାଯାଇଛି।

ଆଜି ସାମ୍ବାଦିକମାନଙ୍କୁ ଫଡନବୀସ କହିଛନ୍ତି ଯେ ନବାବ ୧୯୯୩ ମୁମ୍ବାଇ ବୋମା ବିସ୍ଫୋରଣ ଅଭିଯୁକ୍ତ ସଲିମ ପଟେଲ ଓ ସର୍ଦ୍ଦାର ସାହେବ ଅଲ୍ଲି ଖାଁଙ୍କ ସମ୍ପତ୍ତିର ସୁରକ୍ଷା କରିବାକୁ ସେମାନଙ୍କ ଜମିକୁ ଶାଗମାଛ ଦରରେ କିଣି ନେଇଥିଲେ । ଅଭିଯୁକ୍ତମାନଙ୍କ ଜମି ଟାଡା ଆଇନ ଅଧିନରେ ଜବତ ଦେବାର ଆଶଙ୍କା ଥିବାରୁ ନବାବ ସେମାନଙ୍କଠାରୁ ଜମି କିଣିନେଇଥିଲେ । ମୁମ୍ବାଇର କୁର୍ଲା ଅଞ୍ଚଳରେ ଥିବା ଏହି ଜମିକୁ ନବାବ ନିଜର ଜଣେ ସଂପର୍କୀୟ ଫରାଜ ମଲ୍ଲିକଙ୍କ ମାଧ୍ୟମରେ କିଣିଥିଲେ । ଏହି ଜମିକୁ ବର୍ଗଫୁଟ ପିଛା ମାତ୍ର ୧୫ ଟଙ୍କା ଦରରେ ୨୦୦୩ରୁ ୨୦୦୫ ମଧ୍ୟରେ କିଣାଯାଇଥିଲା । କିନ୍ତୁ ଉକ୍ତ ଅଞ୍ଚଳରେ ଜମିର ଦାମ ବର୍ଗଫୁଟ ପିଛା ୨୦୫୩ ଟଙ୍କା ଥିଲା । ପ୍ରାୟ ୩ ଏକରର ଜମିକୁ ୩୦ ଲକ୍ଷରେ ଖରିଦ ପାଇଁ ଡିଲ ହୋଇଥିଲା । ପରେ ଏହାକୁ ମାତ୍ର ୨୦ ଲକ୍ଷରେ କିଣାଯାଇଥିଲା । ଏହି ଅର୍ଥ ସଲିମ ଓ ସାହେବ ଅଲ୍ଲିଙ୍କ ଆକାଉଣ୍ଟକୁ ଯାଇଥିଲା ।

Nawab Malik has dealings with people from the Underworld people convicted in '93 Mumbai bomb blasts case. He purchased land from convicts of the case on rates cheaper than market rates. Was this deal to save prime land from being forfeited under TADA law?: Devendra Fadnavis, BJP pic.twitter.com/TDe0qfMmGc

ଆହୁରି ପଢ଼ନ୍ତୁ: ରାଜ୍ୟସଭା ନିର୍ବାଚନ ପାଇଁ ନାମାଙ୍କନ ଭରିଲେ ସଂତୃପ୍ତ ମିଶ୍ର ଓ ଦତ୍ତେଶ୍ବର ହୋତା

— ANI (@ANI) November 9, 2021

ଖାଲି ଏତିକି ନୁହେଁ ସେ ଆହୁରି କହିଛନ୍ତି, ସଲିମ ପଟେଲ ଓ ଦାଉଦ ଇବ୍ରାହିମର ଭଉଣୀ ହସୀନା ପାର୍କର ଜମି ଜବରଦଖଲ ରାକେଟ ଚଳାଇଥିଲେ। ଏହିକ୍ରମରେ ସେମାନେ ଅନେକ ଜମି ଓ ସମ୍ପତ୍ତି କବଜା କରିଥିଲେ। ନବାବ ମଲିକଙ୍କ କମ୍ପାନୀ କିଣିଥିବା ସମ୍ପତ୍ତିର ପାୱାର ଅଫ ଆଟର୍ଣ୍ଣି ସଲିମ ପଟେଲ ନାଁରେ ଥିଲା। ନବାବ ମଲିକଙ୍କ ବିରୋଧରେ ଆହୁରି ଅନେକ ସଙ୍ଗୀନ ତଥ୍ୟ ତାଙ୍କ ପାଖରେ ରହିଛି, ଯାହାକୁ ସେ ଯାଞ୍ଚ କମିଟିକୁ ପଟେଇବା ସହ ଏନସିପି ମୁଖିଆ ଶରଦ ପୱାରଙ୍କ ପାଖକୁ ମଧ୍ୟ ପଠାଇବେ । ଆଉ ତାଙ୍କ ମନ୍ତ୍ରୀଙ୍କ ଅସଲ ଚେହେରା ଜଣାଇବେ ବୋଲି ଚେତାବନୀ ଦେଇଛନ୍ତି ଫଡନବୀସ।