ମନୋରଞ୍ଜନ
ଓଡ଼ିଶା
ସୋନିଆଙ୍କଠୁ ମିଳିଲା ଗ୍ରୀନ ସିଗନାଲ୍: କଂଗ୍ରେସର ଅଧ୍ୟକ୍ଷ ପଦ ପାଇଁ ଲଢିପାରନ୍ତି ଶଶି ଥରୁର
ନୂଆଦିଲ୍ଲୀ: କଂଗ୍ରେସର ଅଧ୍ୟକ୍ଷ ପଦ ନିର୍ବାଚନକୁ ନେଇ ରାଜନୀତି ସରଗରମ ହୋଇଛି। ଗୋଟିଏ ପଟେ ରାହୁଲ ଗାନ୍ଧୀଙ୍କୁ ଦଳର ସଭାପତି କରିବା ପାଇଁ ଅନେକ ରାଜ୍ୟ ସଂକଳ୍ପ ପାରିତ କରିଛନ୍ତି। ଅନ୍ୟପକ୍ଷରେ ଦଳର ବରିଷ୍ଠ ନେତା ଶଶି ଥରୁର ଦଳର ବଡ ପରିବର୍ତ୍ତନ ପାଇଁ ଚାଲିଥିବା ଅଭିଯାନକୁ ସମର୍ଥନ କରିଛନ୍ତି। ଏହା ପରେ ସୋନିଆ ଗାନ୍ଧୀ ଥରୁରଙ୍କୁ ଭେଟିବା ପାଇଁ ଡାକିଥିଲେ।
ସୂଚନା ଅନୁଯାୟୀ, ଦିଲ୍ଲୀରେ ଥରୁର ଏବଂ ସୋନିଆ ଗାନ୍ଧୀଙ୍କ ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ବୈଠକ ହୋଇଥିଲା । ଏହି ସମୟରେ ବହୁ କଂଗ୍ରେସ ନେତା ଉପସ୍ଥିତ ଥିଲେ। କଂଗ୍ରେସ ସଭାପତି ପଦ ପାଇଁ ନିର୍ବାଚନ କରିବାକୁ ସୋନିଆ ଗାନ୍ଧୀଙ୍କ ଠାରୁ ଶଶି ଥରୁରଙ୍କୁ ସବୁଜ ସଙ୍କେତ ମିଳିଛି।
ସୂଚନାନୁସାରେ, ଥରୁର ସୋନିଆ ଗାନ୍ଧୀଙ୍କୁ କହିଛନ୍ତି ଯେ, ସେ ଦଳର ସଭାପତି ପଦ ପାଇଁ ନିଜର ପ୍ରାର୍ଥୀପତ୍ର ଦେବାକୁ ଚାହୁଁଛନ୍ତି। ଏଥିପାଇଁ ସୋନିଆ କହିଛନ୍ତି ଯେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ସମସ୍ତେ ମୁକ୍ତ ଅଟନ୍ତି। ଏହି ସମୟରେ କେତେକ ରିପୋର୍ଟରେ ଦାବି କରାଯାଇଛି ଯେ, ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ମଧ୍ୟ ନିର୍ବାଚନରେ ଭାଗ ନେଇପାରନ୍ତି।
About The Author
