ମନୋରଞ୍ଜନ
ଓଡ଼ିଶା
ମାଇକ୍ରୋସଫ୍ଟରେ ଯୋଗଦେବେ ଓପନ୍ଏଆଇରୁ ବହିଷ୍କୃତ ସାମ ଅଲ୍ଟମ୍ୟାନ୍
ନୂଆଦିଲ୍ଲୀ: କିଛିଦିନ ତଳେ କମ୍ପାନୀରୁ ବହିଷ୍କାର କରାଯାଇଥିବା ଚାଟଜିପିଟ ଓପନ୍ଏଆଇର ସିଇଓ ସାମ ଅଲ୍ଟମ୍ୟାନଙ୍କୁ ମିଳିଛି ନୂଆ ଚାକିରି । ସାମ ଅଲ୍ଟମ୍ୟାନ୍ ଏବେ ମାଇକ୍ରୋସ୍ପପ୍ଟରେ ଯୋଗଦେବେ । ଏ ନେଇ ମାଇକ୍ରୋସଫ୍ଟ ସିଇଓ ସତ୍ୟା ନଦେଲା ‘ଏକ୍ସ’ରେ ଏକ ପୋଷ୍ଟ କରି ସୂଚନା ଦେଇଛନ୍ତି । ଅଲ୍ଟମ୍ୟାନଙ୍କ ସହ ଇସ୍ତଫା ଦେଇଥିବା କମ୍ପାନୀର କୋ ଫାଉଣ୍ଡର ଗ୍ରେଗ ବ୍ରୋକମ୍ୟାନ ମଧ୍ୟ ମାଇକ୍ରୋସଫ୍ଟରେ ଜଏନ କରିବେ । ଉଭୟେ କମ୍ପାନୀର ଏକ ନୂଆ ଆଡଭାନ୍ସ ଏଆଇ ରିସର୍ଚ୍ଚ ଟିମରେ କାମ କରିବେ ।
ଓପନ ଏଆଇର ବୋର୍ଡ ଅଫ ଡାଇରେକ୍ଟର୍ସ ନଭେମ୍ବର ୧୭ ତାରିଖରେ ସିଇଓ ସାମ ଅଲ୍ଟମ୍ୟାନଙ୍କୁ ପଦରୁ ବହିଷ୍କାର କରିଥିଲେ । କମ୍ପାନୀ ପକ୍ଷରୁ ଶୁକ୍ରବାର ଜାରି ଏକ ବୟାନରେ କୁହାଯାଇଥିଲା, ଓପନ ଏଆଇର ନେତୃତ୍ୱ ନେବାରେ ତାଙ୍କର କ୍ଷମତା ଉପରେ ବୋର୍ଡ ଆଉ ଭରସା କରିପାରୁନି । ସାମ ଅଲ୍ଟମ୍ୟାନଙ୍କୁ ବହିଷ୍କାର କରିବା ପରେ ଓପେନ ଏଆଇର କୋ-ଫାଉଣ୍ଡର ତଥା ପ୍ରେସିଡେଣ୍ଟ ଗ୍ରେଗ ବ୍ରୋକମ୍ୟାନ ମଧ୍ୟ ଇସ୍ତଫା ଦେଇଥିଲେ । ଏପରିକି ଅଲ୍ଟମନଙ୍କ ଇସ୍ତଫା ପରେ ପରେ ୩ ଜଣ ବରିଷ୍ଠ ରିସର୍ଚ୍ଚର ଜେକବ ପଞ୍ଚାଂଗୀ, ଅଲେକଜାଣ୍ଡର ମ୍ୟେଣ୍ଡ୍ରି ଏବଂ ସିଜଗନ ସିଦୋର ମଧ୍ୟ ଇସ୍ତଫା ଦେଇଥିଲେ।
About The Author
