ମନୋରଞ୍ଜନ
ଓଡ଼ିଶା
ଦେଶକୁ କାଳ ବାୟୁ ପ୍ରଦୂଷଣ, ବର୍ଷକୁ ଦିଲ୍ଲୀରେ ଯାଉଛି ୧୨ ହଜାର ଜୀବନ
ନୂଆଦିଲ୍ଲୀ: ଭାରତରେ ବାୟୁ ପ୍ରଦୂଷଣ ଦିନକୁ ଦିନ ଗମ୍ଭୀର ହେବାରେ ଲାଗିଛି। ଏଥିଯୋଗୁଁ ବର୍ଷକୁ ୩୩ ହଜାର ଲୋକଙ୍କ ଜୀବନ ଯାଉଛି। କେବଳ ୧୦ ସହରରେ ଏତେ ସଂଖ୍ୟକ ଲୋକଙ୍କ ମୃତ୍ୟୁ ହେଉଛି। ଏହି ତାଲିକାରେ ରାଜଧାନୀ ଦିଲ୍ଲୀ ଆଗରେ ରହିଛି। ଏଠାରେ ବର୍ଷକୁ ୧୨ ହଜାର ଜୀବନ ଯାଉଛି। ସେହିପରି ମୁମ୍ବଇରେ ୫,୧୦୦, କୋଲକାତାରେ ୪,୭୦୦, ଚେନ୍ନଇରେ ୨,୯୦୦, ଅହମଦାବାଦରେ ୨,୫୦୦, ବେଙ୍ଗାଲୁରୁରେ ୨,୧୦୦, ହାଇଦରାବାଦରେ ୧,୬୦୦, ପୁନେରେ ୧,୪୦୦ ଏବଂ ବାରାଣସୀରେ ବର୍ଷକୁ ୮୩୦ ଜଣଙ୍କ ଜୀବନ ଯାଉଛି। ସିମ୍ଲାରେ ବାୟୁ ପ୍ରଦୂଷଣସ୍ତର ସବୁଠୁ କମ୍ ରହିଛି। ଏଠାରେ ବର୍ଷକେ ୫୯ ଜଣଙ୍କ ମୃତ୍ୟୁ ହେଉଛି। ‘ଦ ଲାନସେଟ ପ୍ଲାନେଟାରୀ ହେଲ୍ଥ’ରେ ପ୍ରକାଶିତ ଅଧ୍ୟୟନରେ ଏହି ସୂଚନା ଦିଆଯାଇଛି। ବାୟୁରେ ପିଏମ ୨.୫ର ମାତ୍ରା ବଢ଼ି ଚାଲିଛି। ଏଥିଯୋଗୁଁ ଅଧିକ ଜୀବନ ଯାଉଛି ବୋଲି କୁହାଯାଇଛି।
About The Author
