ମନୋରଞ୍ଜନ
ଓଡ଼ିଶା
ସଙ୍କଟରେ କରୋନା ଯୋଦ୍ଧା: ଗୋଟିଏ ଦିନରେ ୫୦ ଡାକ୍ତରଙ୍କ ମୃତ୍ୟୁ, ଦ୍ୱିତୀୟ ଲହରରେ କରୋନା ନେଲାଣି ୨୪୪ ଜଣ ଡାକ୍ତରଙ୍କ ଜୀବନ
ନୂଆଦିଲ୍ଲୀ: କରୋନା ମହାମାରୀରରେ ଦିନକରେ ହଜାର ହଜାର ଲୋକ ପ୍ରାଣ ହାରାଉଥିବା ବେଳେ ଗୋଟିଏ ଦିନରେ ଦେଶରୁ ୫୦ ଜଣ ଡାକ୍ତର ମୃତ୍ୟୁବରଣ କରିଛନ୍ତି। ଏ ନେଇ ଭାରତୀୟ ମେଡିକାଲ ଆସୋସିଏସନ ପକ୍ଷରୁ ଏହି ସୂଚନା ମିଳିଛି। କେବଳ ଦ୍ୱିତୀୟ ଲହରରେ ମୋଟ ୨୪୪ ଜଣ ଡାକ୍ତରଙ୍କ ମୃତ୍ୟୁ ହେଲାଣି । ବିହାରରେ ସର୍ବାଧିକ ୬୯, ଉତ୍ତରପ୍ରଦେଶରେ ୩୪ ଓ ଦିଲ୍ଲୀରେ ୨୭ ଜଣ ଡାକ୍ତର କରୋନାରେ ପ୍ରାଣ ହରାଇଛନ୍ତି । ଏହି କରୋନାରେ ସବୁଠୁ କନିଷ୍ଠ ଡାକ୍ତର ଅନାସ ମୁଜାହିଦ ମାତ୍ର ୨୫ ବର୍ଷ ବୟସରେ କରୋନାରେ ପ୍ରାଣ ହରାଇଛନ୍ତି । ସେ ଦିଲ୍ଲୀର ଗୁରୁ ତେଗ ବାହାଦୁର ହସ୍ପିଟାଲାରେ ରେସିଡେଣ୍ଟ ଡାକ୍ତର ଭାବରେ କାର୍ଯ୍ୟରତ ଥିଲେ ।
କରୋନାରେ ସଂକ୍ରମିତ ହୋଇ ମୃତ୍ୟୁବରଣ କରିଥିବା ଡାକ୍ତରଙ୍କ ମଧ୍ୟରୁ କେବଳ ୩ ପ୍ରତିଶତ ଟିକାର ଦୁଇଟି ଡୋଜ୍ ନେଇଛନ୍ତି । ବହୁ ଡାକ୍ତର ଟିକା ନେଇ ନଥିଲେ । ଦେଶରେ ଟିକାକରଣକୁ ପାଞ୍ଚ ମାସ ବିତିଥିଲେ ବି ଏଯାଏ ମାତ୍ର ୬୬ ପ୍ରତିଶତ ସ୍ୱାସ୍ଥ୍ୟକର୍ମୀ ଟିକା ନେଇଛନ୍ତି ।
ଗତବର୍ଷ ପ୍ରଥମ ଲହରରେ ଦେଶରେ ୭୩୬ ଜଣ ଡାକ୍ତର କରୋନାରେ ମୃତ୍ୟୁବରଣ କରିଥିଲା ଇଣ୍ଡିଆନ୍ ମେଡିକାଲ୍ ଆସୋସିଏସନ୍ କହିଛି । ବର୍ତ୍ତମାନ ସୁଦ୍ଧା ପାଖାପାଖି ହଜାରେ ଜଣ ଡାକ୍ତରଙ୍କ ଜୀବନ ଗଲାଣି ।
About The Author
