୭୦୦ ଫୁଟ ଗଭୀର ବୋରୱେଲରେ ଫସିଲା ୩ ବର୍ଷର ଝିଅ, ଉଦ୍ଧାର କାର୍ଯ୍ୟ ଜାରି…

By The Sakala

Published On Dec 24, 2024 08:56 AM IST

ଜୟପୁର: ରାଜସ୍ଥାନର କୋଟପୁଟଲିରେ ସୋମବାର ଏକ ବୋରୱେଲରେ ୩ ବର୍ଷର ଝିଅ ଫସିଥିବା ଜଣାପଡ଼ିଛି। ଏଠାରେ ଏକ ତିନି ଚାରି ବର୍ଷର ଛୋଟ ଝିଅ ଖେଳିବା ସମୟରେ ୭୦୦ ଫୁଟ ଗଭୀର ବୋରୱେଲରେ ଖସିପଡିଥିଲା। ଖବର ପାଇବା ମାତ୍ରେ ପୁଲିସ ଓ ପ୍ରଶାସନ ଘଟଣାସ୍ଥଳରେ ପହଞ୍ଚିଥିଲେ। ନାବାଳିକାକୁ ବଞ୍ଚାଇବା ପାଇଁ ଉଦ୍ଧାରକାରୀ ଦଳ ପକ୍ଷରୁ ଚେଷ୍ଟା କରିଥିଲେ ମଧ୍ୟ ସଫଳତା ମିଳିପାରି ନ ଥିଲା। ଫଳରେ ଜୟପୁର ସିଭିଲ ଡିଫେନ୍ସ ଏବଂ ଏସଡିଆରଏଫର ଟିମକୁ ଡକାଯାଇଥିଲା। ଏହି […]

ଜୟପୁର: ରାଜସ୍ଥାନର କୋଟପୁଟଲିରେ ସୋମବାର ଏକ ବୋରୱେଲରେ ୩ ବର୍ଷର ଝିଅ ଫସିଥିବା ଜଣାପଡ଼ିଛି। ଏଠାରେ ଏକ ତିନି ଚାରି ବର୍ଷର ଛୋଟ ଝିଅ ଖେଳିବା ସମୟରେ ୭୦୦ ଫୁଟ ଗଭୀର ବୋରୱେଲରେ ଖସିପଡିଥିଲା। ଖବର ପାଇବା ମାତ୍ରେ ପୁଲିସ ଓ ପ୍ରଶାସନ ଘଟଣାସ୍ଥଳରେ ପହଞ୍ଚିଥିଲେ। ନାବାଳିକାକୁ ବଞ୍ଚାଇବା ପାଇଁ ଉଦ୍ଧାରକାରୀ ଦଳ ପକ୍ଷରୁ ଚେଷ୍ଟା କରିଥିଲେ ମଧ୍ୟ ସଫଳତା ମିଳିପାରି ନ ଥିଲା। ଫଳରେ ଜୟପୁର ସିଭିଲ ଡିଫେନ୍ସ ଏବଂ ଏସଡିଆରଏଫର ଟିମକୁ ଡକାଯାଇଥିଲା। ଏହି ଦଳ ବିଭିନ୍ନ ଟେକ୍ନୋଲୋଜି ମାଧ୍ୟମରେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା। ତେବେ ଝିଅଟି ପ୍ରାୟ ୧୫୦ ଫୁଟ ଗଭୀରରେ ବୋରୱେଲ ଭିତରେ ଅଟକି ରହିଥିବା କୁହାଯାଉଛି।

ପୁଲିସର ସୂଚନା ଅନୁଯାୟୀ, ଏଠାରେ ରହୁଥିବା ଭୁପ ସିଂ ଜାଟଙ୍କ ଝିଅ ଘର ବାହାରେ ଖେଳୁଥିଲା। ଏହି ସମୟ ମଧ୍ୟରେ ସେ ବୋରୱେଲରେ ପଡ଼ିଯାଇଥିଲା। ତାଙ୍କ ସହିତ ଖେଳୁଥିବା ଅନ୍ୟ ପିଲାମାନେ ଝିଅଟି ବୋରୱେଲରେ ପଡ଼ିଥିବାର ଦେଖିବା ପରେ ଏକ ଚିତ୍କାର କରିଥିଲେ। ପରେ ପୁଲିସକୁ ଏହି ବିଷୟରେ ସୂଚନା ଦିଆଯାଇଥିଲା। ଅଧିକାରୀଙ୍କ କହିବାନୁଯାୟୀ, ଝିିଅକୁ ବଞ୍ଚାଇବା ପାଇଁ ବୋରୱେଲ ନିକଟରେ ଏକ ସମାନ୍ତରାଳ ଗର୍ତ୍ତ ଖୋଳାଯାଉଛି। ୧୫୦ ଫୁଟ ଗଭୀର ଗର୍ତ୍ତ ଖୋଳିବା ପରେ ବୋରୱେଲ ପର୍ଯ୍ୟନ୍ତ ଏକ ଟନେଲ ନିର୍ମାଣ ହେବ ଏବଂ ଝିଅକୁ ଏହି ଟନେଲ ଦେଇ ବାହାରକୁ ଅଣାଯିବ।