ମନୋରଞ୍ଜନ
ଓଡ଼ିଶା
ବଜ୍ରପାତରେ ଦୁଇ ବ୍ୟକ୍ତି ଗୁରୁତର, ୩ ଗୃହପାଳିତ ପଶୁ ମୃତ
ବୋଲଗଡ : ବୋଲଗଡ ବ୍ଲକ ସାଗରଗାଁ ପଞ୍ଚାୟତ ଜରିପଡା ଗ୍ରାମଠାରେ ସୋମବାର ଅପରାହ୍ନରେ ବଜ୍ରପାତ ଘଟି ଦୁଇଜଣ ବ୍ୟକ୍ତି ଗୁରୁତର ହୋଇଥିବାବେଳେ ତିନୋଟି ଗୃହପାଳିତ ପଶୁଙ୍କର ମୃତ୍ୟୁ ଘଟିଛି | ଘଟଣାରୁ ପ୍ରକାଶ ଯେ ଉକ୍ତ ଗ୍ରାମର ସନ୍ତୋଷ ବେହେରା (41)ଘଡଘଡ଼ି ସହ ବର୍ଷା ଆସିବାରୁ ଗହୀରରେ ଚରାଉଥିବା ତାଙ୍କର ଗୋଟିଏ ଗାଈ, ଗୋଟିଏ ବଳଦ ଓ ମେଣ୍ଢା କୁ ନେଇ ଘରକୁ ଫେରୁଥିଲେ ମାତ୍ର ପ୍ରବଳ ମାତ୍ରରେ ବର୍ଷା ସହିତ ବଜ୍ରପାତ ହେବାଫଳରେ ଗୋରୁ ଗୁଡିକ ଏକ ବର ଗଛ ଠାରେ ଅଟକି ରହିଥିଲେ | ସେହି ସମୟରେ ବଜ୍ରପାତହେବା ଯୋଗୁ ସେଠାରେ ଥିବା ଗାଈ, ବଳଦ, ମେଣ୍ଢା ଏପରି ତିନୋଟୋ ଜାକ ଗୃହପାଳିତ ପଶୁଙ୍କର ମୃତ୍ୟୁ ଘଟିଥିବା ବେଳେ ସନ୍ତୋଷ ବେହେରା ଗୁରୁତର ହୋଇପଡ଼ିଥିଲେ | ଅନ୍ୟ ପକ୍ଷରେ ସେହିଗ୍ରାମର ପାର୍ବତୀ ମଲିକ (29) ତାଙ୍କ ଘରେ ଥିବାବେଳେ ବଜ୍ରପାତ ରେ ଗୁରୁତର ହୋଇଯାଇଛନ୍ତି | ପାର୍ବତୀଙ୍କୁ ଚିକିତ୍ସା ପାଇଁ ନିକଟସ୍ଥ ବାଙ୍କୋଇ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଛି | ତେଵେ ବଜ୍ରପାତ ରେ ଗୁରୁତର ହୋଇପଡିଥିବା ସନ୍ତୋଷ ଗ୍ରାମରେ ପ୍ରଥାମିକ ଚିକିତ୍ସା ପରେ ସୁସ୍ଥ ହେଇଥିବାର କୁହାଯାଇଛି |
About The Author
