ମନୋରଞ୍ଜନ
17 Nov 2023
By The Sakala
ଯାତ୍ରୀଙ୍କ ଉପରେ ମାଡ଼ିଗଲା ଟ୍ରକ୍: ୩ମୃତ, ଜଣେ ଗୁରୁତର
ଅନୁଗୁଳ : ଅନୁଗୁଳ ଜିଲ୍ଲା କିଶୋରନଗର ଥାନା ଅନ୍ତର୍ଗତ ବରଗାପାଲିରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଯାତ୍ରୀଙ୍କ ଉପରେ ଟ୍ରକ ମାଡ଼ିଯିବାରୁ ୩ ଜଣଙ୍କ ମୃତ୍ୟୁ ଘଟିଛି। ତେବେ ଏହି ଘଟଣାରେ ଜଣେ ଗୁରୁତର ଥିବା ସୂଚନା ମିଳିଛି ।
ସୂଚନା ଅନୁଯାୟୀ, ପ୍ରାଚୀ ନାମକ ଏକ ବସ ସୁନ୍ଦରଗଡ଼ରୁ ଭୁବନେଶ୍ୱର ଆସୁଥିବା ସମୟରେ ବାଟରେ ପଙ୍କଚର ହୋଇଯାଇଥିଲା । ତେବେ ବସରେ ଥିବା ଯାତ୍ରୀମାନେ କିଛି ସମୟ ପାଇଁ ତଳକୁ ଓହ୍ଲାଇ ପଡ଼ିଥିଲେ। ତେବେ ସେମାନେ ରାସ୍ତାରେ ଠିଆ ହୋଇଥିବା ସମୟରେ ହଠାତ ଟ୍ରକ ଆସି ୪ ଜଣ ଯାତ୍ରୀଙ୍କ ଉପରେ ମାଡ଼ିଯାଇଥିଲା । ଘଟଣାସ୍ଥଳରେ ୩ ଜଣ ଯାତ୍ରୀ ପ୍ରାଣ ହରାଇଥିଲେ। ଅନ୍ୟ ଜଣେ ଗୁରୁତରଙ୍କୁ ଚିକିତ୍ସା ପାଇଁ ହସପିଟାଲରେ ଭର୍ତ୍ତି କରାଯାଇଥିବା ବେଳେ ରେଢ଼ାଖୋଲ ଡାକ୍ତରଖାନାରେ ୨ ଜଣ ଏବଂ କିଶୋରନଗରରେ ଜଣଙ୍କର ମୃତ୍ୟୁ ଘଟିଛି । ବସଟି ସୁନ୍ଦରଗଡ଼ରୁ ଭୁବନେଶ୍ବର ଯିବାବେଳେ ଏହି ଅଘଟଣ ଘଟିଛି।
https://www.thesakala.in/latest-odisha-news/truck-hits-passengers-3-dead-1-seriously-injured/article-27360
About The Author
