ମନୋରଞ୍ଜନ
ଓଡ଼ିଶା
୬୨୫ ଫୁଟ ଟପିଲା ହୀରାକୁଦ ଭଣ୍ଡାରର ଜଳସ୍ତର, ମୁଣ୍ଡଳିରେ ବିପଦ ସଙ୍କେତ ପାର କଲା ମହାନଦୀ
କଟକ: ହୀରାକୁଦ ଜଳଭଣ୍ଡାରରେ ଜଳସ୍ତର ବଢ଼ୁଥିବା ବେଳେ କଟକ ଜିଲ୍ଲାରେ ମୁଣ୍ଡଳି ଠାରେ ମହାନଦୀ ବିପଦ ସଙ୍କେତ ଟପିଛି। ମୁଣ୍ଡଳିରେ ବିପଦ ସଂକେତ ୯୭.୨୫ ଫୁଟ୍ ରହିଥିବା ବେଳେ ଜଳସ୍ତର ୯୭.୩୦ ଫୁଟ୍ ରହିଛି। ମୁଣ୍ଡଳିରେ ପୂର୍ବାହ୍ନ ୯ ଟାରେ ୧୧ ଲକ୍ଷ ୬୦ ହଜାର ୯୦୦ କ୍ୟୁସେକ ଜଳ ପ୍ରବାହିତ ହେଉଛି। ନରାଜରେ କାଠଯୋଡିରେ ୫ ଲକ୍ଷ ୬୬ ହଜାର ୪୬୦ କ୍ୟୁସେକ ଜଳ ଯାଉଛି । ଅନ୍ୟ ପକ୍ଷରେ ଯୋବ୍ରାରେ ୫ ଲକ୍ଷ ୫୫ ହଜାର କ୍ୟୁସେକ ଜଳ ପ୍ରବାହିତ ହେଉଛି। ମୁଣ୍ଡଳି ଓ ଯୋବ୍ରାରେ ବନ୍ୟା ଜଳ ବିପଦ ସଂକେତ ଉପରେ ରହିଛି ।
ଅନ୍ୟପକ୍ଷରେ ହୀରାକୁଦ ଡ୍ୟାମରେ ୨୬ଟି ଗେଟ୍ ଖୋଲାଯାଇଥିବା ସତ୍ତ୍ୱେ ସେଠାରେ ଜଳସ୍ତର ବଢ଼ିଛି। ଆଜି ସକାଳ ୬ଟା ସୁଦ୍ଧା ହୀରାକୁଦ ଭଣ୍ଡାରର ଜଳସ୍ତର ୬୨୫.୦୪ ଫୁଟ୍ ରହିଛି। । ଡ୍ୟାମକୁ ୭ ଲକ୍ଷ ୮୫ ହଜାର ୨୯୧ କ୍ୟୁସେକ୍ ଜଳ ପ୍ରବେଶ କରୁଥିବା ବେଳେ ଲକ୍ଷ ୩୪ ହଜାର ୮ କ୍ୟୁସେକ୍ ଜଳ ନିଷ୍କାସନ ହେଉଛି। ଗତକାଲି ହୀରାକୁଦ ଡ୍ୟାମର ୮ଟିକୁ ବନ୍ଦ କରି ଦିଆଯାଇଥିଲା।
ପ୍ରାକ ସୂଚନା ଅନୁଯାୟୀ, ଆଜି ହୀରାକୁଦର ଆଉ ଗେଟ ଖୋଲାଯାଇ ପାରେ। ତେବେ ଏହା କେତେବେଳେ ଖୋଲାଯିବ ସେ ନେଇ ନିଷ୍ପତ୍ତି ହୋଇନାହିଁ।
About The Author
