ମନୋରଞ୍ଜନ
ଓଡ଼ିଶା
ଆଜି ଛଡ଼ାଯିବ ହୀରାକୁଦରୁ ପ୍ରଥମ ବନ୍ୟାଜଳ
ସମ୍ବଲପୁର : ହୀରାକୁଦ ଜଳଭଣ୍ଡାରରୁ ଚଳିତ ବର୍ଷର ପ୍ରଥମ ବନ୍ୟାଜଳ ୧୧ ତାରିଖ ରବିବାର ଛଡ଼ାଯିବ। ବିଧି ଅନୁସାରେ ପୂଜାର୍ଚ୍ଚନା ପରେ ପୂର୍ବାହ୍ନ ୧୧ଟାରେ ୭ ନମ୍ବର ଫାଟକ ଖୋଲାଯିବ। ଏହା ପରେ ଆବଶ୍ୟକତା ଅନୁଯାୟୀ ଅନ୍ୟ ଫାଟକ ଖୋଲାଯିବ ବୋଲି ଜଣାପଡ଼ିଛି। ଏହାକୁ ଦୃଷ୍ଟିରେ ରଖି ହୀରାକୁଦ ଜଳଭଣ୍ଡାରର ତଳି ଅଞ୍ଚଳରେ ଥିବା ଲୋକଙ୍କୁ ସଚେତନ କରାଯାଇଛି। ଡାକବାଜି ଯନ୍ତ୍ର ସାହାଯ୍ୟରେ ପ୍ରଚାର କରାଯାଇଛି। ବନ୍ୟାଜଳ ନିଷ୍କାସନ ସମୟରେ ନଦୀ ମଧ୍ୟକୁ ନ ଯିବା ପାଇଁ ଅନୁରୋଧ କରାଯାଇଛି। ଫାଟକ ଖୋଲିବାର ୨ ଘଣ୍ଟା ପୂର୍ବରୁ ସାଇରନ ବାଜି ଉଠିବ।
୨ ମିନିଟ ଅବିଚ୍ଛିନ୍ନ ଭାବରେ ବାଜି ୨ ଥର ୨୦ ସେକେଣ୍ଡ ଅନ୍ତରରେ ୩୦ ସେକେଣ୍ଡ ଧରି ବାଜିବ। ଏହି ସମୟରେ ନଦୀଶଯ୍ୟାରେ ଚଳପ୍ରଚଳ ଓ ବ୍ୟବହାର ସମୟରେ ସତର୍କତା ଅବଲମ୍ବନ କରିବାକୁ ୧୧ଟି ଜିଲ୍ଲାବାସୀଙ୍କୁ ହୀରାକୁଦ ହେଡୱାର୍କ୍ସର ଅତିରିକ୍ତ ମୁଖ୍ୟ ଯନ୍ତ୍ରୀ ନିରାକାର ବିଶି ସୂଚନା ଦେଇଛନ୍ତି। ସୂଚନାଯୋଗ୍ୟ, ହୀରାକୁଦ ଜଳଭଣ୍ଡାରରେ ଶନିବାର ସନ୍ଧ୍ୟା ସୁଦ୍ଧା ଜଳସ୍ତର ୬୦୮.୭୩ ଫୁଟ ରହିଛି। ଜଳଭଣ୍ଡାରକୁ ପ୍ରତି ସେକେଣ୍ଡରେ ୭୪୫୨୧ ଘନଫୁଟ ଜଳ ପ୍ରବେଶ କରୁଛି। ଅନ୍ୟପଟେ ୨୩୪୮୩ ଘନଫୁଟ ଜଳ ନିଷ୍କାସିତ ହେଉଛି।
About The Author
