ଭୁବନେଶ୍ବର: ଆସନ୍ତା ୧୩ ରୁ ୨୯ ପର୍ଯ୍ୟନ୍ତ ଶିଶିର ସରସ ମେଳା ବରମୁଣ୍ଡା ପଡିଆରେ ଅନୁଷ୍ଠିତ ହେବ। ମେଳାରେ ମୋଟ ୩୫୦ ଟି ଷ୍ଟଲରେ ହେବ ବ୍ୟବସାୟ । ୨ ଟି ରାଜ୍ୟର ହସ୍ତଶିଳ୍ପ , ହସ୍ତତନ୍ତ ଓ ଖାଦ୍ୟ ମସଲା ସାମଗ୍ରୀ ଆଦି ଷ୍ଟଲରେ ବିକ୍ରି ହେବ। ହକି ବିଶ୍ବକପ ପାଇଁ ରାଉରକେଲାରେ ମଧ୍ଯ ୧୫ ରୁ ୨୭ ଯାଏଁ ପଲ୍ଲଶ୍ରୀ ମେଳା ଆୟୋଜିତ ହେବ।  ପ୍ରତି ସନ୍ଧ୍ୟାରେ ନାମିଦାମୀ କଳାକାରଙ୍କ ଦ୍ବାରା ଚିତ୍ତାକର୍ଷକ ସାଂସ୍କୃତିକ କାର୍ଯ୍ୟକ୍ରମ ଚାଲିବ।  ସ୍ବତନ୍ତ୍ର ଫୁଡ୍ କୋର୍ଟ ସହ , ହକି ପାଭିଲିଅନ , ସେଲଫି , ପଏଣ୍ଟ , ଓପନ କୁଇଜ ପ୍ରତିଯୋଗିତା ହେବ।  ସ୍ବତନ୍ତ୍ର ଫୁଡ୍ କୋର୍ଟରେ ଓଡିଆ ଖାଦ୍ୟ ସହିତ ବାହାର ରାଜ୍ୟର ପାରମ୍ପରିକ ଖାଦ୍ୟ ସହିତ କୋରାପୁଟ କଫି, ମିଲେଟ ମିଶନ କାଫେରେ ମାଣ୍ଡିଆରୁ ପ୍ରସ୍ତୁତ କେକ, ମିଠା ଓ ପିଠା ଆଦି ବିକ୍ରି ହେବ।

ଶିଶିର ସରସ ମେଳାରେ ଜର୍ମାନ ହ୍ୟାଙ୍ଗର ଭିତରେ ମିଶନ ଶକ୍ତି ଗ୍ରୁପର ସ୍ବତନ୍ତ୍ର ଷ୍ଟଲ ଖୋଲାଯିବା ସହିତ ଏଥିରେ ମିଶନ ଶକ୍ତି ମହିଳା ଏସ.ଏଚ.ଜି ମାଆମାନଙ୍କ ଦ୍ବାରା ହାତ ତିଆରି ଜିନିଷ ବିକ୍ରି ହେବ। ମେଳାରେ ପଣ୍ଡିଚେରୀର କାଗଜରୁ ତିଆରି ସାମଗ୍ରୀ,
ଉତ୍ତର ପ୍ରଦେଶର ଲୁହାରୁ ତିଆରି ସାମଗ୍ର। , ଛତିଶଗଡ଼ର ଟସର ଲୁଗା ଆସାମ ଓ ତ୍ରିପୁରାର ବାଉଁଶର ପ୍ରସ୍ତୁତ ସାମଗ୍ରୀ, ହିମାଚଳ ପ୍ରଦେଶ , ଜମ୍ମୁ ଓ କାଶ୍ମୀର ଓ ମଣିପୁରର ଶୀତ ବସ୍ତ୍ର ଷ୍ଟଲ ଲାଗିବ।

ସେହପରି ପଶ୍ଚିମ ବଙ୍ଗର ଝୋଟରୁ ତିଆରି ଜିନିଷ,  ମଧ୍ୟ ପ୍ରଦେଶର ଚନ୍ଦେରୀ ପୋଷାକ, ମଣିପୁର ତଥା ଉତ୍ତର ପୂର୍ବ ରାଜ୍ୟର କୃତ୍ରିମ ଫୁଲ, ଗୁଜୁରାଟର ଘର ସାଜସଜ୍ଜା ସାମଗ୍ରୀ ଏବଂ ସଲ୍, ପଞ୍ଜାବର ଚମଡା ସାମଗ୍ରୀ , ଆନ୍ଧ୍ରପ୍ରଦେଶ , ତେଲେଙ୍ଗାନ ଓ ପଶ୍ଚିମବଙ୍ଗର ହସ୍ତତନ୍ତ ସାମଗ୍ରୀ କେନ୍ଦୁଝରର ଫୁଲବଡ଼ି ସହିତ ଆଦିବାସୀ ଅଳଙ୍କାର , ଡୋକ୍ରା ଜିନିଷ , ଟେରାକୋଟା , ଅଦରକାରୀ କାଗଜରୁ ତିଆରି ଘର ସାଜସଜ୍ଜା ସାମଗ୍ରୀ , ଖାଦ୍ୟ ଓ ମସଲା ଆଦି ଜିନିଷ ମଧ୍ୟ ମେଳାରେ ବିକ୍ରି ବଟା କରାଯିବ । ମେଳା ପ୍ରତିଦିନ ସକାଳ ୧୧ ଟାରୁ ରାତି ୨ଟା ପର୍ଯ୍ୟନ୍ତ ଖୋଲା ରହିବ । ଚଳିତ ବର୍ଷ ୨୦ କୋଟି ବ୍ୟବସାୟ ଲକ୍ଷ୍ୟ ରଖାଯାଇଛି।