ମନୋରଞ୍ଜନ
ଓଡ଼ିଶା
ଦଶମ ଶ୍ରେଣୀ ଛାତ୍ରକୁ ପଥରରେ ଛେଚି ହତ୍ୟା କଲେ ଆଉ ତିନି ସାଙ୍ଗ
ରାଉରକେଲା: ପଥରରେ ଛେଚି ଛାତ୍ରକୁ ହତ୍ୟା । ରାଉରକେଲା ସହରର ହେକେଟ ରୋଡର କଚରା ପୁଲିଆ ନିକଟରୁ ଜଣେ ଦଶମ ଶ୍ରେଣୀ ଛାତ୍ରର ମୃତଦେହ ଉଦ୍ଧାର କରାଯାଇଛି। ମୃତ ଛାତ୍ର ଵାଲୁଘାଟ ବସ୍ତିର ରୁଦ୍ର ପାଢୀ ବୋଲି ଜଣାପଡିଛି । ସେ ଏକ ଘରୋଇ ଇଂରାଜୀ ମିଡିୟମ ସ୍କୁଲରେ ଦଶମ ଶ୍ରେଣୀ ଛାତ୍ର ଥିଲେ। ତିନି ଜଣ ସାଙ୍ଗ ମିଶି ରୁଦ୍ରଙ୍କୁ ହତ୍ୟା କରିଥିବା ଅଭିଯୋଗ ହୋଇଛି । ଅଭିଯୁକ୍ତ ତିନି ନାଵାଳକ ସାଙ୍ଗଙ୍କୁ ପୋଲିସ ଥାନାରେ ଅଟକ ରଖିଛି । ବୋତଲରେ ଭୁଷି ଓ ପଥରରେ ଛେଚି ହତ୍ୟା କରିଥିବା ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି ।
ସୂଚନା ଅନୁସାରେ ହତ୍ୟାକାରୀ ଅଭିଯୁକ୍ତ ତିନି ଛାତ୍ର ରୁଦ୍ରର ସାଙ୍ଗ। ଗତ ଦୁଇ ଦିନ ତଳେ ସେମାନେ ରୁଦ୍ରଙ୍କୁ ଖର୍ଚ୍ଚ ପାଇଁ ଟଙ୍କା ମାଗିଥିଲେ। ରୁଦ୍ର ପାଖରେ ଟଙ୍କା ନ ଥିବାରୁ ଅରାଜି ହୋଇଥିଲା। ରୁଦ୍ରଙ୍କୁ ତିନି ଅଭିଯୁକ୍ତ ଛାତ୍ର କଲକରି ଉଦିତନଗର ଡାକିଥିଲେ। ରୁଦ୍ର ଘରକୁ ନ ଫେରିବାରୁ ପରିବାର ଲୋକ ରଘୁନାଥପାଲି ଥାନାରେ ନିଖୋଜ ନେଇ ଲିଖିତ ଅଭିଯୋଗ କରିଥିଲେ। ଆଜି ସକାଳୁ କଚଡ଼ା ପୁଲିଆ ନିକଟରେ ଶବ ପଡ଼ିଥିବା ଦେଖି ସ୍ଥାନୀୟ ଲୋକ ପରିବାର ଲୋକଙ୍କୁ ସୂଚନା ଦେଇଥିଲେ।
About The Author
