ମନୋରଞ୍ଜନ
ଓଡ଼ିଶା
ହୋଲି ଖେଳିବା ନେଇ ଲାଗିଲା କଟକଣା: ନିୟମ ନମାନିଲେ ହେବ କଠୋର କାର୍ଯ୍ୟାନୁଷ୍ଠାନ
ଭୁବନେଶ୍ବର : ରାଜ୍ୟରେ ବଢିଚାଲିଛି କରୋନା ସଂକ୍ରମଣ। କିଛି ଦିନ ପରେ ହଠାତ କରୋନା ସଂକ୍ରମଣ ବୃଦ୍ଧି ପାଇବା ସହ ଦୁଇ ଦିନ ହେବ ଲଗାତର ୨୦୦ ଶହ ଉପରେ ରହୁଛି ଦୈନିକ ସଂକ୍ରମିତଙ୍କ ସଂଖ୍ୟା। ରାଜ୍ୟରେ ପୁଣିଥରେ କରୋନା ଚିନ୍ତା ବଢାଇଥିବା ବେଳେ ଆଗକୁ ଆସୁଥିବା ରଙ୍ଗର ପର୍ବ ହୋଲି ପାଇଁ କମିଶନରେଟ୍ ପୁଲିସ ପକ୍ଷରୁ କଟକଣା ଜାରି କରାଯାଇଛି।
ହୋଲି କଟକଣାକୁ ନେଇ ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ କହିଛନ୍ତି ଯେ, ନିୟମ ଭାଙ୍ଗି ହୋଲି ଖେଳିଲେ କାର୍ଯ୍ୟାନୁଷ୍ଠାନ ହେବ । ସରକାରଙ୍କ କୋଭିଡ୍ ମାର୍ଗଦର୍ଶିକା ଅନୁସାରେ ହୋଲି ଖେଳନ୍ତୁ । କମିଶନରେଟ୍ ପୁଲିସ ପକ୍ଷରୁ ସମସ୍ତ ବନ୍ଦୋବସ୍ତ କରାଯାଇଛି । ହୋଲି ନାଁରେ ପ୍ରୋସେସନ ନ କରିବାକୁ ଟ୍ୱିନସିଟିବାସୀଙ୍କୁ ପରାମର୍ଶ ଦିଆଯାଇଛି । ଅତି କମ ସଂଖ୍ୟକ ଲୋକଙ୍କୁ ନେଇ ହୋଲି ଖେଳନ୍ତୁ। ସଂକ୍ରମଣ ବଢୁଥିବାରୁ ସଚେତନ କରୁଛୁ, ଏବେ କାର୍ଯ୍ୟାନୁଷ୍ଠାନ ହେବ । ଅମାନିଆଙ୍କ ଉପରେ ପୁଲିସ ନଜର ରଖିଛି । ପ୍ରଥମେ ଯେମିତି ସହଯୋଗ କରୁଥିଲେ, ସେମିତି ସହଯୋଗ ପାଇଁ ନିବେଦନ କରିଛନ୍ତି ପୁଲିସ କମିଶନର ।
About The Author
