ମନୋରଞ୍ଜନ
ଓଡ଼ିଶା
ମହାପ୍ରଭୁଙ୍କ ଇଞ୍ଚେ ଜମିର ବେଆଇନ ବିକ୍ରି ବରଦାସ୍ତ କରାଯିବ ନାହିଁ: ଆଇନ ମନ୍ତ୍ରୀ
ପୁରୀ: ମହାପ୍ରଭୁ ଜଗନ୍ନାଥଙ୍କ ଜମି ବେଆଇନ ବିକ୍ରି ହୋଇଥିଲେ କଠୋର କାର୍ଯ୍ୟାନୁଷ୍ଠାନ ନିଆଯିବ । ଏ ଦିଗରେ ଶ୍ରୀମନ୍ଦିର ପ୍ରଶାସନ କାର୍ଯ୍ୟକ୍ରମ ଆରମ୍ଭ କଲାଣି । ବାସେଳି ସାହି ଘଟଣାରେ କଡ଼ା କାର୍ଯ୍ୟାନୁଷ୍ଠାନ ହେବ ବୋଲି କହିଛନ୍ତି ମନ୍ତ୍ରୀ ପୃଥ୍ବୀରାଜ ହରିଚନ୍ଦନ । ନୂଆ ପରିଚାଳନା କମିଟି ହେବା ପରେ, 2003 ର ୟୁନିଫର୍ମ ପଲିସି ଆଧାରରେ ଯେଉଁଠି ବି ଶ୍ରୀଜଗନ୍ନାଥଙ୍କ ଜବରଦଖଲ ଜମିକୁ ମୁକ୍ତ କରାଯିବ । ଖୁବ ଶୀଘ୍ର ଏହାର କାର୍ଯ୍ୟାନୟନ ଆରମ୍ଭ ହେବ । ମହାପ୍ରଭୁଙ୍କ ପାଇଁ 800 ରୁ 1000 କୋଟିର କରପସ ଫଣ୍ଡ ଗଠନ ହେବ । ଏଥିରେ ସୁବିଧାରେ ମହାପ୍ରଭୁଙ୍କ ନୀତିକାନ୍ତି ହେବ । ବ୍ୟବହାର ଯୋଗ୍ୟ ଜମି ପାଇଁ ରିହାତି ଦରରେ ଜମି ଦିଆଯିବ । ସେହି ଜମିରେ ମାର୍କେଟ ଭ୍ୟାଲୁରେ ଲୋକଙ୍କୁ ଦିଆଯିବ । ପ୍ରଥମେ ଓଡ଼ିଶା ଭିତରେ ଥିବା ଜଗନ୍ନାଥ ଜମି ଚି଼ହ୍ନଟ ହୋଇଛି । ତା ପରେ ବାହାରେ ଥିବା ଜମିର ଚି଼ହ୍ନଟ ପ୍ରକ୍ରିୟା କରାଯିବ । ଯଦି କେହି ବିକ୍ରି କରିଥିବେ, କଠୋର ଦଣ୍ଡ ଦିଆଯିବ । ବିକ୍ରେତା ଓ କ୍ରେତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ । ମହାପ୍ରଭୁଙ୍କ ଇଞ୍ଚେ ଜମି ବିକ୍ରି ବରଦାସ୍ତ କରାଯିବ ନାହିଁ ବୋଲି କହିଛନ୍ତି ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ।
About The Author
