ମନୋରଞ୍ଜନ
ଓଡ଼ିଶା
21 Nov 2025
By Madhusudan Das
ଜମି ଠକେଇ ଅଭିଯୋଗରେ SSB ଯବାନଙ୍କୁ ବାନ୍ଧିଲା ପୋଲିସ
ଭୁବନେଶ୍ବର: ଜମି ଠକେଇ ଅଭିଯୋଗରେ ପୋଲିସକୁ ବାନ୍ଧିଲା ପୋଲିସ । ସ୍ପେଶାଲ ସିକ୍ୟୁରିଟି ବାଟାଲିୟନ(SSB)ର ଯବାନ ସଚିତ୍ର ସେନାପତିଙ୍କୁ ଗିରଫ କଲା ସହିଦନଗର ଥାନା ପୋଲିସ । ଜଣେ ଅବସରପ୍ରାପ୍ତ ପୋଲିସ ଅଧିକାରୀଙ୍କୁ ଜମି ଦେବା ନାଁରେ ଚୁନା ଲଗାଇଥିଲା ଏହି ଠକ । ୪୦ ଲକ୍ଷ ଟଙ୍କା ଠକେଇ ଅଭିଯୋଗରେ ବନ୍ଧା ହେଲା SSB ଯବାନ ସଚିତ୍ର ସେନାପତି । ତ୍ରିଶୁଳିଆରେ ୨ ହଜାର ସ୍କୋୟାର ଫୁଟ ଜମିକୁ ୩୦ ଲକ୍ଷ ବୋଲି କହି ଦେଖାଇଥିଲା ଜମି । ୨ ଟି କିସ୍ତିରେ ଅଗ୍ରୀମ ୨୦ ଲକ୍ଷ ଦେଇଥିଲେ ଏତଲାକାରୀ ସୁରେନ୍ଦ୍ର ଚନ୍ଦ୍ର ବାହୁବଳେନ୍ଦ୍ର । ପରେ ଜମି କଥା କହିବାରୁ ଚକମା ଦେଇ ଆସୁଥିଲା ଠକ ସଚିତ୍ର । ଅଭିଯୁକ୍ତକୁ ଗିରଫ ପରେ ଏକାଧିକ ଲୋକଙ୍କୁ ସେ ଠକିଥିବା ଜାଣିବାକୁ ପାଇଛି ପୋଲିସ । ଅଭିଯୁକ୍ତ ଜଣକ କିଛିଦିନ ତଳେ ଭରତପୁର ଥାନା ଅଧୀନରେ ପିସିଆର ଷ୍ଟାଫ ଭାବେ କାମ କରୁଥିଲା । ଅଭିଯୁକ୍ତର ଘର କଟକ ଜିଲ୍ଲା ବୈୟାଳିଶ ମୌଜା ଅନ୍ତର୍ଗତ ଧୁଳେଶ୍ୱରରେ ବୋଲି ଜଣାପଡିଛି ।
https://www.thesakala.in/latest-odisha-news/police-arrest-ssb-jawan-on-charges-of-land-fraud/article-43222
About The Author
