ମନୋରଞ୍ଜନ
ଓଡ଼ିଶା
22 Apr 2021
By The Sakala
ପୁଣି ବଦଳିଲା ପିପିଲି ଉପନିର୍ବାଚନ ତାରିଖ, ମେ ୧୬ରେ ହେବ ଭୋଟ୍ ଗ୍ରହଣ
ଭୁବନେଶ୍ବର: ପୁଣି ବଦଳିଲା ପିପିଲି ଉପନିର୍ବାଚନ ତାରିଖ । ନୂତନ ନିର୍ବାଚନ ତାରିଖ ଅନୁଯାୟୀ, ମେ ୧୬ରେ ଭୋଟ ଗ୍ରହଣ ଅନୁଷ୍ଠିତ ହେବ। ଇଦ ମେ ୧୬ରେ ପଡିବା ସମ୍ଭାବନା ଥିବାରୁ ନିର୍ବାଚନ ତାରିଖ ଘୁଞ୍ଚା ଯାଇଥିବା ଜଣାପଡ଼ିଛି। ମେ ୧୯ରେ ଭୋଟ ଗଣତି ହେବ। ଏ ନେଇ ରାଜ୍ଯ ନିର୍ବାଚନ ଅଧିକାରୀ ଏସକେ ଲୋହାନୀ ସୂଚନା ଦେଇଛନ୍ତି। କୋଭିଡ ଗାଇଡଲଇନ ଅନୁଯାୟୀ ନିର୍ବାଚନ ଅନୁଷ୍ଠିତ ହେବ ବୋଲି ସେ କହିଛନ୍ତି।
ପୂର୍ବରୁ ମେ ୧୩ ତାରିଖରେ ନିର୍ବାଚନ ପାଇଁ ଭୋଟ ଗ୍ରହଣ ଅନୁଷ୍ଠିତ ହେବାକୁ ଥିଲା। ମେ ୧୮ ତାରିଖ ସୁଦ୍ଧା ନିର୍ବାଚନୀ ପ୍ରକ୍ରିୟା ଶେଷ କରାଯିବ ବୋଲି ବିଜ୍ଞପ୍ତିରେ ଦର୍ଶାଯାଇଥିଲା।
ସୂଚନାଯୋଗ୍ୟ, ଏପ୍ରିଲ ୧୭ ତାରିଖରେ ପିପିଲି ଉପନିର୍ବାଚନ ପାଇଁ ଭୋଟଗ୍ରହଣ କରାଯିବାର ଥିଲା। କିନ୍ତୁ ଏହା ପୂର୍ବରୁ କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜଙ୍କ ଦେହାନ୍ତ ହୋଇଯିବାରୁ ନିର୍ବାଚନକୁ ସ୍ଥଗିତ ରଖାଯାଇଥିଲା
https://www.thesakala.in/latest-odisha-news/pipili-by-election-new-date/article-1752
About The Author
