ମନୋରଞ୍ଜନ
ଓଡ଼ିଶା
22 Apr 2021
By The Sakala
ଅକ୍ସିଜେନ ଯୋଗାଣ ନେଇ କେନ୍ଦ୍ର ଜାରି କଲା ମାର୍ଗଦର୍ଶିକା, ଅବାଧରେ ହେବ ଅନ୍ତଃରାଜ୍ୟ ଅକ୍ସିଜେନ ସିଲିଣ୍ଡର ସ୍ଥାନାନ୍ତର
ଭୁବନେଶ୍ବର: ଅବାଧରେ ଅକ୍ସିଜେନ ସିଲିଣ୍ଡର ସ୍ଥାନାନ୍ତର ପାଇଁ ମାର୍ଗଦର୍ଶିକା ଜାରି କରାଯାଇଛି। ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଗୁଡିକ ପାଇଁ କେନ୍ଦ୍ର ଏହି ମାର୍ଗଦର୍ଶିକା ଜାରି କରିଛି। ହସ୍ପିଟାଲକୁ ଆସୁଥିବା ଅକ୍ସିଜେନକୁ କେହି ଅଟକାଇପାରିବେ ନାହିଁ। ଯେକୌଣସି ସହରକୁ ଯେକୌଣସି ସମୟରେ ଯାଇପାରିବ ଅକ୍ସିଜେନ। ଆଜିଠାରୁ ଆଗାମୀ ନିର୍ଦ୍ଦେଶ ଯାଏଁ ଅକ୍ସିଜେନ ଯୋଗାଣ ଉପରେ ଏହି କଟକଣା ଲାଗୁ କରାଯାଇଛି।
ଏଥିସହ ହସ୍ପିଟାଲରେ ଅକ୍ସିଜେନର ଅଭାବ ଦେଖାଯାଉଥିବାରୁ ଆଜିଠାରୁ ପରବର୍ତ୍ତୀ ନିର୍ଦ୍ଦେଶ ଯାଏ ଶିଳ୍ପସଂସ୍ଥାଗୁଡ଼ିକ ପାଇଁ ଯୋଗାଣ ବନ୍ଦ ରହିବ ବୋଲି ସରକାର କହିଛନ୍ତି। ଶିଳ୍ପାନୁଷ୍ଠାନକୁ ଅକ୍ସିଜେନ ଯୋଗାଣ ବନ୍ଦ କରିବା ପାଇଁ ଉତ୍ପାଦକଙ୍କୁ ନିର୍ଦ୍ଦେଶ ଦିଆଯାଇଛି। ୯ଟି ଶିଳ୍ପ କ୍ଷେତ୍ରକୁ ବାଦ ଦେଇ ଅନ୍ୟ ଶିଳ୍ପାନୁଷ୍ଠାନକୁ ଅକ୍ସିଜେନ ଯୋଗାଣ ବନ୍ଦ କରାଯିବ।
https://www.thesakala.in/latest-odisha-news/no-restrictions-on-inter-state-movement-of-medical-oxygen/article-1755
About The Author
